web counter
LEXO PA REKLAMA!

SHKARKO APP

App Store
Google Play

A do ta dëmtojë PS, hetimi ndaj Veliajt/ Gjiknuri: Ka kosto

1 Shkurt 2025, 17:46, Politikë CNA

A do ta dëmtojë PS, hetimi ndaj Veliajt/ Gjiknuri: Ka kosto

Sekretari për Organizimin dhe Çështjet Zgjedhore në PS, Damian Gjiknuri ka folur për hetimet që po kryhen ndaj kryebashkiakut Erion Veliaj.

Në një intervistë për emisionin “Pa Censurë”, i pyetur a do ta dëmtojë PS kjo situatë, Gjiknuri është shprehur se kjo varet nga roli i individit dhe konteksti i përgjithshëm.

Sipas Gjiknurit nëse individi e ka kryer brenda një filozofie politike me qëllime kriminale, patjetër që këto e dëmtojnë PS, por nëse individi ka abuzuar me detyrën e tij, ka bërë shkelje dhe PS nuk është e përfshirë si parti, në ato veprime që bëhen, PS nuk ka pse te marrë koston maksimale, por nuk përjashton se mund të marrë një kosto PS nga hetimet ndaj kryebashkiakut.

“Nuk më vjen mirë për kolegë të partisë sime që mund të akuzohen dhe mund të provohen të fajshëm, megjithatë varet roli i individit dhe konteksti i përgjithshëm. Nëse individi e ka kryer brenda një filozofie politike me qëllime kriminale, patjetër që këto e dëmtojnë PS, por nëse individi ka abuzuar me detyrën e tij, ka bërë shkelje dhe PS nuk është e përfshirë si parti, në ato veprime që bëhen, PS nuk ka pse te marrë koston maksimale. Mund të marrë pak kosto, aty-këtu, por këto janë normale”, u shpreh Gjiknuri.

Ai thekson se elektorati është në gjendje të ndajë partinë nga individi.

“Pa diskutim që e ndan elektorati këtë, por ajo që di të ndajë shumë mirë elektorati është se cila nga këto forca, alternativa, kush ka dhënë prova se di të qeverisë më mirë, kush është më i besueshëm për premtimet që jep, kush është më i mirë për interesat e zgjedhësve dhe në këtë mënyrë votojnë. Deri më sot aleternativa më e mirë ka qenë PS”, tha Gjiknuri./ CNA





Lajmet e fundit nga