web counter
LEXO PA REKLAMA!

SHKARKO APP

App Store
Google Play

“Opozita, kënetë me bretkosa”/ Rama "shigjeton" Berishën

1 Shkurt 2025, 12:56, Politikë CNA

“Opozita, kënetë me bretkosa”/ Rama "shigjeton"

Kryeministri Edi Rama në Kuvendin Rinor Kombëtar të PS-së ka deklaruar se PS është e vetmja forcë politike që do ta ulë Shqipërinë në tryezën e BE.

Rama shigjetoi opozitën dhe kreun e saj Sali Berisha duke thënë se: Vota për këdo tjetër është një gur i hedhur në ujë dhe se opozita është një kënetë me bretkosa që ka në krye një buf kënete.

"Kjo është e vetmja forcë politike e shqiptarëve që ka moshën e të gjithë atyre që e mbështesin, që ka bërë dhe mund të bëjë akoma më shumë se gjithë forcat e tjera së bashku për Shqipërinë dhe të gjithë ata që e mbështesin që janë shumica dërrmuese e shqiptarëve.

Asnjë forcë tjetër nuk është më me eksperiencë se e jona dhe energji se sa kjo e jona, asnjë forcë tjetër e vjetër apo e re nuk ka më shumë rini se sa ne dhe asnjë forcë tjetër nuk ka më shumë të rinj dhe të vjetër se tek ne.

Fuqia që sjell të reja dhe fuqi për vendin nuk është kund tjetër përveçse te ne dhe me ne.

Vota për ne është e vetmja votë për ndryshimin, vota për tjetër është një votë e sigurt për zhgënjimin.

Të gjithë tjerët premtojnë çdo gjë sepse s’kanë gjë në dorë. Ne kemi në dorë për të bërë realitet ëndrrën europiane brez pas breze, të bëjmë ulësen me emrin Albania në tryezën e BE.

Vota për këdo tjetër është një gur i hedhur në ujë. Opozita është një kënetë me bretkosa që ka në krye një buf kënete", tha Rama./ CNA





Lajmet e fundit nga