web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Balliut: Veliaj dhe Rama kërkojnë tu vjedhin shtëpitë qytetarëve

1 Shkurt 2025, 17:27, Politikë CNA

Denoncimi i Balliut: Veliaj dhe Rama kërkojnë tu vjedhin

Kordinatori Rajonit të Tiranës Klevis Balliu ka denoncuar sot bashkë me banorët e zonës të Lanës projektin famëkeq të devijimit të lumit Lana.

Si rrjedhojë e këtij projekti shkatërrohen 420 shtëpi.

Banorët e zonës deklarojnë se zhvendosja e lumit Lana bëhet për interes të ndërtimit të pallateve të njerëzve afër pushtetit.

Balliu deklaron se kjo zonë e cila është vetëm 5 kilometra larg bashkisë Tiranë në vijë ajrore është lënë në harresë.

“Plehrat kanë mbushur të gjithë zonën, ndotja e lumit si rrjedhojë e plehrave që nuk pastrohen po sjell edhe sëmundje tek qytetarët, rrugët gjithashtu janë lënë në një gjendje të mjerueshme. Njerëz afër pushtetit po mbushin xhepat në kurriz të qytetarëve të thjeshtë.

Partia Demokratike në pushtet kurrë nuk do të prishë asnjë shtëpi pa dëmshpërblyer qytetarët sipas ligjit.

Të gjithë e dimë që sektori i ndërtimit në Tiranë është sektori ku pastrohen paratë e drogës. Këtë se them unë, këtë e thotë anti-mafia italiane dhe raportet më serioze ndërkombëtare.

Ky projekt është një projekt mafioz dhe kriminal për të cilën Rama dhe Veliaj do të mbajnë përgjegjësi.

Bashkia e Tiranës i ka ofruar qytetarëve 180 mijë lekë bonus qiraje, por në cilën lagje të Tiranës ekziston ky çmim, askund.

Erion Veliaj dhe Edi Rama kërkojnë tu vjedhin shtëpitë qytetarëve për të mbushur xhepat.

Këtu po shkatërrohen shtëpitë e qytetarëve për interesat e pushtetarëve", ka denoncuar Balliu./ CNA





Lajmet e fundit nga