web counter
LEXO PA REKLAMA!

SHKARKO APP

App Store
Google Play

Takim me shqiptarët në Veria/ Balla: Mbështetja e Greqisë për në BE është shumë e rëndësishme

1 Shkurt 2025, 17:02, Politikë CNA

Takim me shqiptarët në Veria/ Balla: Mbështetja e Greqisë


Drejtuesi Politik i Partisë Socialiste për Diasporën, Taulant Balla, zhvilloi sot një takim në Veria të Greqisë. Balla vijoi takimet e tij si pjesë e turneut me shqiptarët që jetojnë jashtë vendit.


Balla u takua me mbështetës të Partisë Socialiste të cilët i informoi mbi mënyrën se si mund të ushtrojnë të drejtën e realizuar të çdo shqiptari jashtë Shqipërisë, për të zgjedhur udhëheqjen e vendit duke votuar nga aty ku banon.


"Duam që përmes jush të arrijmë të kontaktojmë të gjithë vëllezërit dhe motrat tona që jetojnë këtu në Veria dhe të mund t'ju shpjegohet qartazi ky proces."


Sa i përkët zgjatjes së afateve të dokumenteve të skaduara, Balla tha:


"Franca e ka. Ama s'ka asnjë shembull në Europë ku mund të votosh me dokumentet e një shteti tjetër. Pyesni këtu. Kështu merr përgjigje edhe një propozim që ka të bëjë më shumë me një alibi, sesa me një realitet të prekshëm."


Më tej, Balla komentoi qasjen e Partisë Socialiste mbi integrimin:


"Partia Socialiste në qeverisje është e vetmja që i ka hapur të gjitha çështjet për diskutim, me të gjitha qeveritë greke. Jemi duke negociuar marrëveshjen për njohjen e dyfishtë të pensioneve. Mbështetja e Greqisë për në BE është shumë e rëndësishme dhe s'ka dyshim që do jetë mbështetëse e madhe", - tha Balla./ CNA 





Lajmet e fundit nga