web counter
LEXO PA REKLAMA!

SHKARKO APP

App Store
Google Play

Lëmosha e Bashkisë/ Teliti: "Transporti falas" i Veliajt, poshtërim për pensionistët”

1 Shkurt 2025, 14:47, Politikë CNA
Lëmosha e Bashkisë/ Teliti: "Transporti falas" i Veliajt,
Erion Veliaj

Anëtari i Këshillit Bashkiak të PD-së, Dorian Teliti, ka denoncuar situatën absurde të krijuar mëngjesin e kësaj të shtune te pika e dhënies së aboneve për pensionistët, ku dhjetëra prej tyre presin me orë në radhë në kushte aspak normale.

"SKANDAL! "TRANSPORTI FALAS" I VELIAJT KTHEHET NË POSHTËRIM PËR PENSIONISTËT!

Live nga një prej pikave të shpërndarjes së aboneve për pensionistët!

Pas kopjimit të programit të PD-së dhe kandidatit Belind Këlliçi për transportin falas, ndonëse më parë e kishte kundërshtuar dhe ironizuar këtë propozim, Veliaj përsëri dështoi në implementimin e tij!

Pensionistët detyrohen të presin në radhë të gjata, në kushte të vështira, pa asnjë organizim dhe pa infrastrukturën e nevojshme për shpërndarjen e aboneve.

Shumë prej tyre ankohen, të lodhur, të shqetësuar, dhe jo pak prej tyre ndodhen në gjendje jo të mirë shëndetësore. Kjo është fytyra e një administrate vendore që vetëm flet, por nuk vepron për qytetarët!

Ndërkohë që numri i punonjësve në Bashkinë e Tiranës është trefishuar në këto 10 vitet e fundit, nuk u gjetën as disa punonjës më shumë për të shpërndarë abonetë me dinjitet e pa lodhur pensionistët në radha të pafundme.

Ky trajtim është jo vetëm larg normave dhe standardeve europiane, por është skandaloz!  Ndaj duhet ndryshimi! Ndaj duhet të gjithë të reagojmë, si me protestë në 8 shkurt ashtu edhe me votë në 11maj”, shkruan Teliti.





Lajmet e fundit nga