web counter
LEXO PA REKLAMA!

SHKARKO APP

App Store
Google Play

E fundit!

x

Stefan Fule në "Public Square": Zgjerimi i BE-së në kohë me erëra të forta

1 Shkurt 2025, 19:22, Politikë CNA
Stefan Fule në "Public Square": Zgjerimi i BE-së në
Ish-komisionerin për zgjerimin në BE, Stefan Fule dhe Ditmir Bushati

Ditmir Bushati e nis sezonin e ri të podakastit që drejton “Public Square”, me një bisedë me ish-komisionerin për zgjerimin në BE, Stefan Fule.

Në nisje të kësaj bisede Bushati dhe Fule ndalen tek shanset reale për një zgjerim të mundshëm të BE-së, në këto momente.

Sipas Fule, shtetet kandidate po përgatiten për zgjerim, por nuk duket të ndodhë e njëjta gjë me institucionet dhe shtetet anëtare të BE-së.

Fule heziton të ndajë nëse kjo është një çështje vullneti politik apo plotësimi reformash, pasi sipas tij “jo të gjitha shtetet anëtare e kuptojnë se çfarë duhet bërë në mënyrë që BE-ja të jetë një organizatë funksionale” dhe për më tepër, për të mundësuar anëtarësimin e disa vendeve kandidate, teksa shton se ekziston edhe një lloj dikotomie midis shteteve.

Bashkëbiseduesit ndanë bindjen se është zhdukur plotësisht efekti i motivimit apo i ashtëquajturi motori i zgjerimit, që për pasojë ka krijuar një status që në rastin e Ballkanit Perëndimor, që nënkupton që jo domosdoshmërisht duhet të reformoheni, por duhet që ta shisni këtë europianizim, apo kinse procesin e reformës, për hir të një stabiliteti të rrejshëm. 

 

Në këtë pikë, Fule thotë se “Në ditët e sotme aspekti i sigurisë është i një rëndësie të madhe për BE-në, për ta përfunduar këtë detyrë, sepse kur era është e fortë, ju duhet ose të braktisni projekte të caktuara, ose të shkoni nga pas me një vendosmëri më të madhe dhe me vullnet të fortë. Unë shoh vullnetin dhe qëllimin për të shkuar në atë drejtim. Por na duhet që ai motor të rindizet. Ne kemi nevojë që ato dy procese të ecin paralelisht hap pas hapi në mënyrë që të themi: “Kjo punë përfundoi!”.

Bushati thotë se pushtimi i Ukrainës nga Rusia, por dhe një president i ri, në detyrë në Shtëpinë e Bardhë, në një periudhë kur BE-ja është disi e ndarë gjeopolitikisht kanë krijuar një situatë të re përsa i përket sigurisë në Europë.

Por, për Fule këto dy zhvillime janë të rëndësishme pasi që kanë potencialin për t’i çuar gjërat përpara.

Bushati dhe Fule e mbyllën bisedën për Ballkanin Perëndimor duke i’u referuar domsdoshmërisë për vullnet politik nga BE dhe reforma të njëmendta nga vendet kandidate si mënyrën e vetme për tu bërë pjesë e BE brenda nja afati të shpejtë.

Kjo do të ishte e vetmja mënyrë për të ruajtur rëndësinë e BE-së pasi “dështimi në këtë pike do të kishte pasoja dramatike jo vetëm për shtetet që ende po trokasin në dyert tona, dhe që unë i respektoj me gjithë zemër, por edhe për vetë BE-në”./CNA





Lajmet e fundit nga