web counter
LEXO PA REKLAMA!

SHKARKO APP

App Store
Google Play

“Diaspora do të përmbysë sistemin e kalbur”/ Topalli takim në Itali: Koha e tyre ka mbaruar!

2 Shkurt 2025, 18:31, Politikë CNA

“Diaspora do të përmbysë sistemin e kalbur”/ Topalli

Drejtuesja e Partisë Demokratike për Diasporën, Jozefina Topalli zhvilloi një takim në Pisa të Italisë me emigrantët shqiptarë. Topalli, u shpreh se emigrantët janë forca e “gjallë” e Shqipërisë, fuqia që do të sjellë ndryshimin. Topalli, theksoi se Diaspora me forcën e votës dhe vendosmerinë e saj, do të përmbysë sistemin e kalbur.  

“Sot jemi këtu në Pisa jo vetëm për të kujtuar rrënjët tona, por për të ndërtuar të ardhmen! Ju nuk jeni thjesht emigrantë, ju jeni forca e gjallë e Shqipërisë, fuqia e vërtetë që do të sjellë ndryshimin!

Ne kemi parë e përjetuar padrejtësi, kemi parë se si Shqipëria është kapur nga banda dhe korrupsioni, por koha e tyre ka mbaruar! Ne, bashkë, brenda dhe jashtë Shqipërisë, do të sjellim ndryshimin. Ju, me forcën e votës dhe vendosmërinë tuaj, do të jeni ata që do ta përmbysni këtë sistem të kalbur!

Shqipëria ka nevojë për ju! Për ndershmërinë, për guximin, për idealet tuaja! Është koha që zëri juaj të dëgjohet, është koha për të marrë në dorë fatin e atdheut tonë!

Le të bëhemi bashkë! Le të ngrihemi me forcën e besimit, me energjinë e guximit dhe me dashurinë për Shqipërinë! Shqipëria do të ndryshojë, dhe ky ndryshim fillon me ju! Faleminderit për pjesëmarrjen kaq entuziaste. Faleminderit të gjithë burrave e grave që jetojnë në Pisa, e që duan një Shqipëri më të drejtë”, tha Topalli. /CNA

 





Lajmet e fundit nga