E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

E vërteta mbi një deputete të paduhur opozitare!

2 Shkurt 2025, 16:02, Politikë CNA

Deputetja e listës Basha, Zheni Gjergji, e cila tashmë ka kaluar në krahun e doktor Berishës si shumica e demokratëve, ka bërë një postim një ditë më parë në rrjetet sociale. Një postim që në momentin e parë të duket si një gjë e madhe, por mjafton ta lexosh të gjithin dhe e kupton se sa e dhimbshme është qasja opozitare për disa gjëra që janë shumë flagrante.

E vërteta mbi një deputete të paduhur opozitare!

Flitet për koncesionin e hemodializës dhe kur diçka shkon në një emër personal gjithmonë të krijon dyshimet; a është ky një rast sulmi politik me një qëllim të mbrapshtë ndoshta pazare apo gjobvënie. Gjithsesi, këtë pjesë po e lejmë tek emri dhe të shkojmë tek argumentat që jep zonja e nderuar e cila është edhe doktoreshë.

Edhe pse dolën lajme përgënjeshtruese në një situatë në qendrën e hemodializës në Korçë problematikat e shërbimet nuk mund të fshihen më. Së pari, e nderuar doktoreshë ka qenë vetë pjesë e shërbimit shëndetësor dhe e di mirë se çfarë është çështja e hemodializës. Është unike hemodializa në Korçë, po dhe në shumë qytete të tjera.

Dikur po i kujtojmë zonjës, pacientët nga Korça shkonin në Ohër me furgona ose vinin në Tiranë me orë të tëra, ose merrnin shtëpi me qera dhe kishin të tjera kosto. Sot në Korçë ka hemodializë, janë pacientët që duhen pyetur të parët për shërbimin, mjekë, infermierët që shërbejnë, a mund të ketë problematika të caktuar?

Pa diskutim, shërbim pa probleme mund të mos ketë, por e vërteta është se shërbimi i hemodializës sot, përtej opozitarizimit për ne si media që pretendojmë që qëndrojmë përballë pushtetit, është për t’u lavdëruar dhe jo thjesht dhe vetëm për t’u përshëndetur.

Zonja shkruan asnjë kontroll nga autoritetet përkatëse shëndetësore për cilësinë dhe performancën e këtij shërbimi nuk janë kryer deri më sot. Gënjeshtër, na vjen keq zonja doktoreshë. Ka kontrolle, në qoftë se nuk keni raporte, raportet jua vemë edhe ne në dispozicion. Për më tepër edhe raporte tendicioze për shkak të sulmeve që vinin nga media dhe kryesisht nga media të qeverisë që kërkonin haraç nga ky koncesion pushteti.

E vërteta mbi një deputete të paduhur opozitare!

Shpresojmë të mos kërkojë të njëjtën gjë edhe doktoresha e nderuar. Nga ana tjetër thuhet se nuk ka asnjë të dhënë për shkallën e mortalitetit të këtij grupi pacientësh, nuk është bërë publike deri më sot.

Po si mundet një deputete të mos marrë një shifër, anëtare komisioni, të mos pyesë institucionet, të mos çojë një shkresë zyrtare ta firmosë vetë për të marrë informacion në lidhje me këto dy pika, por të shkruajë të tilla budallallëqe. Është e turpshme, flitet për 21 milionë euro koncesion në vit, ndërkohë që pacientët ankohen për kushtet e shërbimit, cilësinë e filtrave, mungesën e mjekëve specialist edhe të tjerë.

Zonja duhet ta dijë shumë mirë, shpresojmë të mos ketë familjarë në këtë lloj shërbimi se e di mjaft mirë çfarë është. Në Korçë bën mirë të pyesë, në QSUT bën mirë të pyesë, në spitalet private apo filialet e qyteteteve. Mund të ketë pakënaqësi, kjo nuk ka diskutim, por t’ja faturosh pacientëve se ankohen për kushtet që zonja të bëjë një status të pavërtetë, që është e turpshme që nuk ka informacion sepse ka gati katër vite deputete dhe nuk është marrë një herë me këtë punë.

Dhe kujtohet tani duke na treguar edhe emra dhe duke e kthyer çështjen paksa personale. Kjo na ra në sy, dhe patjetër që do t’ia thonim këto rreshta çdolloj deputeti. Po japim edhe një informacion, koncesioni sipas shkresave zyrtare të qeverisë shqiptare, mjafton të vejë dhe ta shikojë zonja, i gjen në regjistra dhe jo vetëm, i gjen edhe diku tjetër, janë publike nuk po themi të përdorë detyrën e saj si deputete, është në pronësi të kompanisë “Diaverum”.

Kompania “Diaverum” është grupi më i madh i dializës në botë dhe është një kompani suedeze. Po si mund t’ja faturosh Klodjan Allajbeut, kur prej pesë vitesh është një nga kompanitë më prestigjioze në botë të këtij shërbimi.

Dhe, nuk ka një kontroll siç thotë zonja, apo nuk ka pasur fare, por shumë. Tani, do të donim shumë që zonja të çonte shkresat zyrtare në insitucione, megjithëse s’ka për ta bërë dhe të merrte informacionin e duhur dhe të kërkonte ndjesë për gabimin.

Pra, jo ndaj atij personit që ajo pretendon se i është drejtuar si përfitues, por ndaj kompanisë suedeze, sepse të ndodhte në një vend të Europës një skandal i tillë, nuk do “puthte” më deputet një njeri që bënte akuza të pabaza, duke qenë në dijeni se janë bërë kontrollet, duke qenë në dijeni se cilësia e shërbimit të hemodializës sot me dje është dita me natën dhe për më tepër t’ia faturosh këtë si ankesë të pacientëve apo të kapësh një incident të një sëmuri që raste të tilla njihen kudo në botë.

Dhe të akuzosh një shërbim me pa të drejtë për interesa të dyshimta është vërtetë e dhimbshme sidomos kur vjen nga një deputete e opozitës, mjeke që e di mjaft mirë se si është ky shërbim. Ndaj, dhe mirë do të ishte kur nuk dinë të heshtin ose të mbledhin informacionin e duhur.

Ndoshta s’duan ta vlerësojnë, nuk ka rëndësi. Por, të mos prekin ata pacientë dhe ata njerëz që ofrojnë këtë shërbim, ata infermierë të përkushtuar, ata mjekë të përkushtuar dhe një nga kompanitë më prestigjioze në botë për këtë shërbim që ndoshta dokoresha s’ja dinte emrin dhe e mësoi sot nga ne.

Shpresojmë që të sillet si mjeke, si doktoreshë në rast se i ka mbetur pak humanitet nga shpirti i ndotur nga aktiviteti politik dhe qëllimet dashakeqëse. /CNA