web counter
LEXO PA REKLAMA!

SHKARKO APP

App Store
Google Play

“Mirë që nuk thua si Enveri”/ Rama i përgjigjet komentuesit: Mendoni se janë çmendur ata të BE-së

2 Shkurt 2025, 13:57, Politikë CNA

“Mirë që nuk thua si Enveri”/ Rama i përgjigjet

Kryeministri Edi Rama ka vijuar komunikimin e zakonshëm me qytetarët të cilët i komentojnë në rrjetet sociale. Këtë herë, Rama i është përgjigjur dikujt që i shkruan se tashmë ka mbetur ta bëjë si Enveri dhe të thotë që në Itali, Angli apo Europë është keq dhe se njerëzit po vdesin për bukë.

“Unë nuk them që po vdesin për bukë në Itali e në Angli, se për bukë nuk ka vdekur askush as në Shqipëri, që nga koha e Skënderbeut të paktën. Më vjen keq për ty e ca të tjerë që shajnë mijëra të rinj se përse duartrokasin në Kuvendin e tyre Rinor.

Ndërkohë, çfarë thashë për Thethin ta konfirmoj prapë edhe ty dhe gjithë atyre sharësve që nuk dinë çfarë thonë. Po i njoh, i kam takuar, kam qëndruar me ta, i kam parë investimet që kanë bërë atje me kursimet e emigracionit.

Dhe të them po, njeriu që ndihmon familjarët e tij në Itali nga Thethi falë të ardhurave që krijon nga puna atje në mal, pasi është kthyer nga Italia. Në atë vend ku ata e kanë bërë Thethin destinacion Europian, është njeri real dhe nuk është i vetmi.

Agroturizmi në Shqipëri nuk është fantazi, po industri reale e cila po krijohet duke treguar përditë se si shpërblehet investimi edhe në fshatin më të largët. Natyrisht, po ta shohësh Shqipërinë nga pasqyrat e kanaleve dhe portaleve ashtu është, këtu vdesin për bukë dhe vriten në rrugë dhe çdo vit vijnë me miliona budallenj nga jashtë që thonë se Shqipëria ka mikpritje dhe ushqim të jashtëzakonshëm kudo.

Është më e lirë se nga ata vijnë, ka bukuri përrallore dhe siguri shembullore. Mirë këta që vijnë, por janë dhe ata që ulen me ne për të negociuar anëtarësimin e Shqipërisë në BE, brenda 2030. Që janë çmendur fare ata, kanë rrjedhur krejt, duan të fusin në BE një narkoregjim ku është ngjallur Enveri dhe ku qeveria vetëm vjedh popullin, kurse populli vetëm ikën nga sytë këmbët ose vritet e vdes rrugëve për bukë.

Shqipëria po bëhet, të gjitha ndryshimet janë reale, faktet janë atje ku janë njerëzit e punës, ku janë sipërmarrjet, ku është jeta e përditshme që nuk shihet nga kanalet dhe portalet e llumit, se ka edhe llum. Ka akoma, po dhe llumi po pastrohet, do të pastrohet edhe më shumë më 11 maj. Kini besim, Shqipëria po bëhet”, tha Rama.





Lajmet e fundit nga