web counter
LEXO PA REKLAMA!

SHKARKO APP

App Store
Google Play

“Në inceneratorin e Tiranës u zhdukën 100 milionë euro”/ Këlliçi: Miliona euro për të paguar mediat

3 Shkurt 2025, 22:03, Politikë CNA

“Në inceneratorin e Tiranës u zhdukën 100 milionë

Drejtuesi politik për Tiranën në PD, Belind Këlliçi i ftuar në “MCN TV”, theksoi se në inceneratorin e Tiranës janë zhdukur 100 milionë euro dhe se kjo është e faktuar me dokumenta. Ndër të tjera, Këlliçi u shpreh se e gjithë kjo kosto e një afere si inceneratori, rëndon mbi kurrizin e qytetarëve të Tiranës.

“Janë arritur deri tani të faktohet nga Prokuroria e Posaçme, që janë paguar deri në 2022, 120 mln euro për landfillin e Sharrës me letrat e kompanisë. Vlera e investimit shkon në 23 milionë euro. Pra SPAK thotë se kemi faktuar se janë zhdukur 100 milionë euro.

E thotë vendimi. Dhe nuk ka asnjë të dhënë se ku kanë shkuar këto 100 milionë euro. Unë kam çuar në SPAK dokumenta, kontrata kleringu, kam çuar adresat e apartamenteve që i janë dhënë inceneratorit, që as përmenden dhe as merren parasysh. Unë kam gjetur nga këto 100 milionë, të paktën 2.4 milionë.

Në këtë vendim thuhet se nga data 21 mars 2023, në kulmin e hetimeve dhe në fushatë elektorale të zgjedhjeve lokale, deri në 21 qershor 2023, shtetasi Elton Bualli, administrator në landfill, ka marrë kesh, në një exchange pranë Ambasadës Amerikane, 500 mijë euro dhe i ka dorëzuar për llogari të Mirel Mërtirit, pra shkonin për të paguar mediat e vendit.

Këto vinin nga biznesi i dherave, që vijon të operojë edhe sot që ne flasim. A paguhen lekët për depozitimin e dherave apo jo? A shkojnë miliona euro kesh me çantë te landfilli i Sharrës? Të gjithë koston e hanë qytetarët", tha Këlliçi. /CNA





Lajmet e fundit nga