web counter
LEXO PA REKLAMA!

SHKARKO APP

App Store
Google Play

“Përballja me Berishën ka kosto”/ Balla: Nëse ai ka akuzë për mua, t'i drejtohet institucioneve

3 Shkurt 2025, 21:11, Politikë CNA

“Përballja me Berishën ka kosto”/ Balla: Nëse ai ka

Ministri i Shtetit për Marrëdhëniet me Parlamentin, Taulant Balla në një intervistë për “A2CNN”, theksoi se ai është personi që e ka akuzuar më shpesh Sali Berishën. Balla, u shpreh se nëse Berisha ka ndonjë akuzë për të, atëherë le të shkojë dhe ta adresojë atë tek institucionet përkatëse.

“Unë jam personi që Sali Berishën e kam akuzuar shpesh, por nuk kam bërë si ai që akuzat i kam lëshuar në ajër, por i kam dërguar në prokurori. Zotëria, nëse ka një akuzë për mua, të shkojë ta adresojë në institucion.

I kam dëgjuar shpesh këto historitë dhe lakimet. Se ç’flasin të tjerë për mua, kjo është punë e tyre. Unë nuk do të isha përballur kurrë kaq fort me korrupsionin dhe me krimin si ministër i Brendshëm nëse do të kisha qoftë një pikëz të vogël të zezë në jetën time.

Kështu që, jam shumë i qetë. Kushdo që ka një akuzë, të bëjë atë që kam bërë unë. Në këto 20 vite në politikë, për çdo akuzë që kam shprehur, i jam drejtuar institucionit të drejtësisë.

I jam drejtuar për kallëzime penale kur është bërë fjala për korrupsion, i jam drejtuar edhe kur është bërë fjalë për shpifje. Ky është standard që e kam vendosur. Të përballesh me Sali Berishën merr kostot përkatëse, por do të vazhdoj ta bëj”, tha Balla. /CNA





Lajmet e fundit nga