web counter
LEXO PA REKLAMA!

SHKARKO APP

App Store
Google Play

“Protesta e 8 shkurtit edhe për Veliajn e inceneratorit”/ Këlliçi: Qytetarët na kanë hapur zemrën

3 Shkurt 2025, 18:15, Politikë CNA

“Protesta e 8 shkurtit edhe për Veliajn e inceneratorit”/

Drejtuesi Politik për Tiranën në Partinë Demokratike, Belind Këlliçi së bashku me deputeten Dhurata Çupi dhe Anëtarin e Këshillit kombëtar, Akil Kraja, ishin në një takim me qytetarët e njësisë numër nëntë për t’i ftuar ata të marrin pjesë në protestën e datës tetë shkurt.

“Jemi në takime me të gjithë banorët e zonës, jemi së bashku me deputeten e zonës, me kryetarin, me të deleguarin. Në këtë njësi qytetarët na kanë mirëpritur, na kanë hapur dyert, na kanë hapur zemrat. Protesta e së shtunës datë tetë shkurt, do të jetë madhështore, si asnjëherë më parë sepse hallet kanë arritur aty ku nuk mban më.

Probleme ekonomike, braktisja dhe shpopullimi dhe mungesa e mundësive për të krijuar një jetë normale këtu, janë problematikat më të shpeshta që hasim çdo ditë. Ftoj këdo të na bashkohet të shtunën në orën 17:00 përballë kryeministrisë, aty ku Edi Rama thotë se e pi një shishe verë 33 mijë euro, sa 200 pensione të prindërve tanë”, tha Këlliçi.

Anëtari i Këshillit kombëtar, Akil Kraja theksoi se protesta do të jetë edhe për Erion Veliajn që vazhdon vjedhjen me inceneratorin.

“Tirana në orën pesë e gjitha në shesh, vazhdon vjedhja me inceneratorin nga kryehajduti i Tiranës, Erion Veliaj. Në orën pesë të shtunën dalim kundra Edi Ramës dhe Erion Velisë që po e zbras Shqipërinë. /CNA

“Protesta e 8 shkurtit edhe për Veliajn e inceneratorit”/





Lajmet e fundit nga