web counter
LEXO PA REKLAMA!

SHKARKO APP

App Store
Google Play

E fundit!

x

“Vizita e Berishës me vlerë, mungonte prej 2011-tës”/ Shkullaku: Turp për përfaqësuesit Europianë

3 Shkurt 2025, 21:36, Politikë CNA

“Vizita e Berishës me vlerë, mungonte prej 2011-tës”/

Gazetari Armand Shkullaku komentoi mbi vizitën e liderit të Partisë Demokratike, Sali Berisha në Gjermani në kongresin e CDU-së. Shkullaku, theksoi se vizita e Berishës është me shumë vlerë në imazhin e tij duke qenë se një vizitë e tij në Gjermani mungonte prej 2011-tës.

Ndër të tjera, Shkullaku u shpreh se afrimi i Berishës me konservatorët britanikë, republikanët në Amerikë, apo politikanë në Itali, të bën të kuptosh se gjithçka ndodhi me të në Shqipëri, ishte një lojë e sponsorizuar.

“Në momentin që fillojnë të shkruajnë gazetat e mëdha botërore, ato janë sinjale alarmi pavarësisht se këtu në Shqipëri, ka pasur kolegë tanë që e kanë relativizuar. Po hë, ca ka thënë Le Monde, Nju Jork Times, Corriere della Sera, gjëra që ne këtu i dimë.

Nuk është problemi se ato thonë gjëra që nuk dihen, dhe kancelaritë e vendeve të tyre, ndoshta me vonesë, por fillojnë e reagojnë.

Ky takim ka vlerë sepse Sali Berisha që në 2011 ka pa shkuar në Gjermani, që nga ftohja me Merkelin, kur ishte kryeministër, kë një vlerë edhe atë për të cilën the ti ‘çarjen si rrethim’. Por ka ndodhur gradualisht, kishim një rezolutë të Partive Popullore, kishim PPE që e pranuan Berishën si kryetar, kemi deklaratën e partive të djathta dhe Republikanët në SHBA.

Kemi një sërë shenjash e afrimesh, qoftë konservatorët britanikë, apo politikanë në Itali e vende të tjera. Kështu që ka pasur një lloj ndryshimi, që sigurisht pjesëmarrja në Kongresin Elektoral të CDU-së shënon një pikë kulmore të Sali Berishës, me perëndimin.

A përkthehet kjo në përfitim elektoral, fiton pikë apo jo, jam gjithmonë i mendimit se mbështetja ndërkombëtare nuk të jep avantazh, por ka rëndësi për të kuptuar se e gjithë kjo që ka ndodhur kundër PD-së dhe Sali Berishës, nuk ka qenë gjë tjetër përveç se një lojë, e sponsorizuar nga brenda Shqipërisë. Edi Rama ka dalë me dëshmi në gjykatat amerikane, si njeriu që i ka dhënë në zyrën e tij materiale Charles McGonigal për ti përdorur kundër PD-së.

Unë mendoj se kjo që ka ndodhur në Shqipëri, më shumë se sa Ramën, mendon se bën me turp të gjithë përfaqësuesit e vendeve Europiane në Shqipëri. Nuk po them Amerikane, sepse ambasadorja Yuri Kim doli hapur pro një vendimi që shkatërronte opozitën në Shqipëri, por bën me turp përfaqësuesit Europianë që kanë ulur kokën dhe kanë mbyllur gojën për këtë që ka ndodhur në Shqipëri vitet e fundit”, tha Shkullaku. /CNA

 





Lajmet e fundit nga