web counter
LEXO PA REKLAMA!

SHKARKO APP

App Store
Google Play

E fundit!

x

Procesi i regjistrimit nuk ka ecur keq”/ Balla: Ne shqiptarët i lëmë për në moment të fundit

3 Shkurt 2025, 22:29, Politikë CNA

Procesi i regjistrimit nuk ka ecur keq”/ Balla: Ne shqiptarët i

Drejtuesi Politik i Partisë Socialiste për Diasporën, Taulant Balla, në një intervistë për “A2CNN”, foli në lidhje me procesin e regjistrimit të emigrantëve që këto zgjedhje të 11 majit do të votojnë për herë të parë. Balla, theksoi se po ndodhin disa gabime megjithatë shtoi se ato rregullohen shpejt ndërsa shtoi se deri më tani janë rreth 136 mijë kërkesa për regjistrim.  

“Po bëhen disa gabime gjatë këtij procesi dhe ato janë vendosja e një faqeje të gabuar të dokumentit që ka adresën ose vendosin një adresë të ndryshme nga ajo e dokumentit. Këto janë gabime që ndreqen shpejt.

Po ashtu, vendoset një dokument tjetër identifikimi në vend të kartës së identitetit shqiptar. Edhe ky është gabim i shpeshtë. Prandaj, mendoj që deri tani nuk ka ecur keq. Ka një numër të madh kërkesash, rreth 136 mijë. Është hera e parë e këtij procesi dhe shpesh ne shqiptarët i lëmë gjërat për ditën e fundit.

Ka interesim të madh të bashkatdhetarëve tanë që jetojnë nëpër botë. Deri tani janë 84-85 mijë kërkesa të miratuara. Ka edhe 30 ditë kohë për t’u regjistruar. Ne e mbajtëm fjalën tonë për të garantuar votën e diasporës dhe prandaj i bëj thirrje që të marrin 5 minuta kohë për t’u regjistruar në mënyrë që të votojnë”, tha Balla. /CNA





Lajmet e fundit nga