web counter
LEXO PA REKLAMA!

SHKARKO APP

App Store
Google Play

E fundit!

x

Rama: PS në rrugën e saj nuk ka qenë e përsosur

7 Maj 2025, 20:46, Politikë CNA

Rama: PS në rrugën e saj nuk ka qenë e përsosur

Kryeministri Edi Rama në takimin e tij përmbyllës në Fier ka deklaruar se në rrugën e saj Partia Socialiste nuk ka qenë e përsosur, por ka dy gjëra që asnjë nga partitë e tjera nuk e kanë.

Sipas Ramës, PS është partia më e madhe në vend dhe qëkur është themeluar nuk e ka cenuar asnjëherë interesin kombëtar.

“PS në rrugën e saj nuk ka qenë e përsosur por PS ka dy gjëra që asnjë parti tjetër nuk i thotë dot se i ka. Kjo është partia më e madhe e shqiptarëve.  E dyta qysh kur ka hyrë në jetë nuk e ka cenuar kurrë interesin kombëtar”, tha Rama.

Ndër të tjera, kryeministri theksoi se, PS po kërkon një mandat jo për fitore por për të vulosur rilindjen e Shqipërisë në Europën e Bashkuar.

“Ne do jemi lokomotiva e fitores së madhe. Nuk është një fitore për të fituar një mandat po për të përmbushur një mision, kjo nuk është një fitore për të krijuar një tjetër qeveri por për të vulosur rilindjen e Shqipërisë në Europën e Bashkuar. Rilindja e Shqipërisë ka filluar në sheshet e qyteteve, kur ne lanim dhe pastronim fytyrën e përbaltur të qyteteve tona thonin se merreshim me fasada”, deklaroi Kryeministri./ CNA





Lajmet e fundit nga