web counter
LEXO PA REKLAMA!

SHKARKO APP

App Store
Google Play

E fundit!

x

Berisha ia numëron Ramës: Në 12 vite, ka bërë gjysmën e rrugës Korçë-Ersekë, Qukës-Qafë Plloçë nuk duket kurrkund

7 Maj 2025, 18:36, Politikë CNA

Berisha ia numëron Ramës: Në 12 vite, ka bërë

Kreu i PD-së Sali Berisha në takimin përmbyllës elektoral në Korçë ka deklaruar se në 12 vite shqiptarët kanë përjetuar narkodiktaturën.

Lideri i opozitës u shpreh se, në 12 vite Rama ka bërë gjysmën e rrugës Korçë-Ersekë, ndërsa aksi Qukës-Qafë Plloçë nuk duket kurrkund.

Ai bëri me dije se do të bëjë gjithçka që t’i kthejë kombit rininë.  

“4 ditë na ndajnë nga një ditë e cila në të vërtetë për ne shqiptarët ndan dy epoka: ndan epokën në të cilën ne, një popull i vuajtur në diktaturën më staliniste, në rrugën tonë të lirisë, patëm një aksident si asnjë komb tjetër. Përjetuam 12 vite narkoditaturë. Përjetuam në 12 vite vendosjen e një regjimi, i cili bëri gjithçka për të shtypur në Korçë dhe në Shqipëri pluralizmin, për të shtypur në Korçë dhe në Shqipëri opozitën. Bëri gjithçka për të plaçkitur korçarët dhe shqiptarët. Bëri çdo gjë për t’i përzenë ata nga vendi i tyre.

Miq, çdo korçar i mençur dhe korçare që mbyll sytë dhe mendon këto 12 vite, do të gjejë se, Korça nga një vend shprese, nga një qyetet i mrekullueshëm, i famshëm për dhuntitë e veta, për kulturën, për atdhedashjen, për shpirtin punëtor, shpirtin krijues, për pastërtinë, për çdo gjë. Fermerët e Korçës, burra dhe gra ndër më eficientët, ndër më të zotët. Po kështu, të Devollit, Pogradecit, Ersekës.

Në 12 vite, u larguan nga Korça, nga Erseka, Pogradeci, Devolli, ndofta si kurrë në historine e tyre. U larguan, jo se nuk donin Korçën, Pogradecin, Devollin apo Ersekën. Përkundrazi, me pasuritë e mëdha të këssaj treve, me liqej mahnitës, fantastikë, jo vetëm për Ballkanin, Europën. Me fermerët e saj ndër më të zotët që mund të ekzistojnë. Me intelektualët e saj të shquar. Me artistët, me këngëtarët, me shkrimtarët, me elitën e saj, Korça është vetëm për t’u admiruar.

Po ata, u larguan sepse, nga viti në vit rënia ekonomike u bë më e madhe. Sepse, nga viti në vit çmimet u rritën.

Sepse, nga viti në vit vendet e punës u mbyllën.

Sepse, sofra nuk kishte më për aq sa ishin anëtarët e familjes. Nuk kishte të ndante më.

Sepse, prodhimet mbeteshin në fushë.

Sepse, të sëmurët nuk kishin më ilaçe për t’u mjekuar. Qendrat shëndetësore u shkatërruan.

Çfarë ndodhi në Korçë 12 vite për qytetarët?

Mendojeni pak.

Ka bërë në 12 vite, gjysmën e rrugës Korçë-Ersekë, dhe ajo shembet çdo muaj.

Çfarë ndodhi në Korçë?

Rruga Qafë Plloç-Qukës ka 12 vite dhe nuk duket kurrkund.

Çfarë ndodhi në Korçë?

Shkollat u mbyllën njëra pas tjetrës, numri i studentëve ra frikshëm, ndërmarrjet falimentuan dhe fermat falimentuan", tha Berisha./ CNA





Lajmet e fundit nga