web counter
LEXO PA REKLAMA!

SHKARKO APP

App Store
Google Play

E fundit!

x

Rama, fushatë me pasaportën europiane/  “Çdo prind të mendohet dy herë në 11 Maj”

7 Maj 2025, 18:58, Politikë CNA

Rama, fushatë me pasaportën europiane/  “Çdo prind

Kryefjala e fushatës së kryeministri Edi Rama dhe PS ka qenë pasaporta europiane.

Rama iu drejtua nga Lushnja të gjithë prindërve të mendohen dy herë në 11 Maj, pasi do të votojnë për Shqipërinë në BE, për tu dhënë fëmijëve të tyre pasaportën europiane.

“Kam shumë bindje që ne sot jemi më të ditur, jemi më me eksperiencë, jemi të vendosur për të çuar në fund misionin tonë. 3 mandate me radhë nuk na kanë lodhur, nuk na kanë hequr dëshirën për të bërë më shumë për vendin, na kanë bindur se jo vetëm ky vend që po bëhet, është një vend që mund të lulëzojë në mes të Europës dhe ne do ta bëjmë të lulëzojë në mes të Europës duke i dhënë atë që i ka munguar në jetë të jetëve, dinjitetin e barabartë mes vendeve të Europës, duke i dhënë flamurit vendin që i ka munguar atje në mes të Europës.

Duke u dhënë sot fëmijëve që nuk votojnë dot, atë që askush në histori nuk i dha dot brezit tjetër por ama iu përcolli si amanet shpirtin europian të mishëruar në pasaportën europiane.

Çdo prind duhet të mendojë dy herë në 11 maj nëse nuk e ka ndarë mendjen se çfarë duhet të bëjë. Duhet të mendojë jo për çka bërë më parë, për shkak të bindjeve të tij por duhet të mendojë se çfarë duhet të bëjë për fëmijën e tij që kur ai të marrë në dorë pasaportën europiane të ndjehet mirë që në 11 maj bëri gjënë e duhur”, tha Rama.





Lajmet e fundit nga