web counter
LEXO PA REKLAMA!

SHKARKO APP

App Store
Google Play

Rama: Opozita po bën çmos që punën e Shqipërisë të mbulohen me ziftin e dëshpërimit të tyre

5 Prill 2026, 09:53, Politikë CNA

Kryeministri Edi Rama u ndal në një koment ndaj opozitës, mes disa çështjesh që përmendi në nisje të episodit të ri të podcast-it “Flasim”.

Rama tha se opozita po bën çmos që punët e Shqipërisë të mbulohen me ziftin e dëshpërimit të tyre, me baltën e të gjithë urrejtjes, mllefit, inateve të tyre.

Sipas Ramës, kjo është një përpjekje e vazhdueshme e atyre që janë në anën e kundërt të mazhorancës, pavarësisht shumë gjërave që janë vënë në vijë.

“Punët e Shqipërisë identifikohen vetëm me një luftë mizerabël politike dhe me një përpjekje të vazhdueshme të kujtdo që është në anën e kundërt me ne, që qeverisim Shqipërinë, për të bërë çmos që punët e Shqipërisë të mbulohen me ziftin e dëshpërimit të tyre, me baltën e të gjithë urrejtjes, mllefit, inateve të tyre. Shqipëria ka probleme, patjetër. Ne kemi shumë punë për të bërë, pa dyshim; jo çdo punë e kemi bërë si duhet dhe sa duhet, kjo nuk ka diskutim, por ama Shqipëria punon dhe punët e Shqipërisë, në tërësi, janë në vijë. Ashtu si kundër, dhe e mbyll këtë shënim, është në vijë procesi më i rëndësishëm historik i anëtarësimit në Bashkimin Europian, me negociatat që vazhdojnë dhe, në ndërkohë, gjithçka që thuhet kur vjen puna te negociatat lidhet me gënjeshtrën e madhe se: “ato janë bllokuar”, “ato janë ndaluar”, “ato janë penguar”, për arsye të mosarsyes së të gjithë atyre që synojnë ta pengojnë Shqipërinë për të luftuar qeverinë. E vërteta e thjeshtë është se kjo punë e madhe e Shqipërisë vazhdon përditë e përditë e përditë dhe, së shpejti, përsëri, siç kemi pasur në procesin e hapjes së kapitujve, do të kemi lajme shumë të mira për të gjithë”,-tha Rama./CNA





Lajmet e fundit nga