web counter
LEXO PA REKLAMA!

SHKARKO APP

App Store
Google Play

Rama në mbledhjen e Grupit/ Berisha: Sulmoi në mënyrë të verbër drejtësinë

26 Shkurt 2026, 15:05, Politikë CNA

Rama në mbledhjen e Grupit/ Berisha: Sulmoi në mënyrë

Kryetari i Partisë Demokratike, Sali Berisha, ka reaguar me anë të një videomesazhi pas fjalimit të Ramës në mbledhjen e Grupit Parlamentar.

Berisha tha se Rama mbrojti veten në të gjitha mënyrat dhe sulmoi drejtësinë në mënyrë të verbër.

Kryedemokrati, në reagimin e tij, u shpreh se për Ramën antikorrupsioni është më i rrezikshëm se korrupsioni.

Berisha në reagimin e tij u ndal edhe te protesta e 28 shkurtit, për të cilën tha se do të jetë dita e qytetarëve, ku do të goditet rëndë narkoregjimi.

 

Fjala e Berishës

 

Edi Rama, në fjalën e tij, përveçse mbrojti veten në të gjitha mënyrat, duke përdorur administratën, duke përdorur rolin dhe misionin e saj në një shtet, duke përdorur edhe ndershmërinë dhe dinjitetin e saj, Edi Rama sulmoi në mënyrën më të verbër drejtësinë, institucionin e akuzës dhe gjithçka vërtitej rreth tij personalisht, i vetëdijshëm se është tashmë në rreth të kuq.

Mashtroi në mënyrën më të paskrupullt. U tha shqiptarëve se ministrat, zëvendëskryeministrat apo kryeministrat në Gjermani japin dorëheqjen si detyrim moral, por kjo nuk ndodh në vendet e tjera, ndodh vetëm në shtetin ligjor të avancuar dhe të konsoliduar të Gjermanisë. Një mashtrim me bisht. Jo larg, por nga viti 2009-2013, në Shqipëri kanë dorëzuar imunitetin, kanë dhënë dorëheqjen zëvendëskryeministër, ministër, është hequr imuniteti për disa imunitarë të tjerë. Ky mendon se të tjerët vuajnë nga amnezia.

Për Edi Ramën, antikorrupsioni kur cenohet ai dhe rrethi i tij është më i rrezikshëm se vetë korrupsioni. Për Edi Ramën, reforma në drejtësi duhet të pësojë ndryshime të thella, të shumanshme në mënyrë që t'i përshtatet kontrollit të tij mbi këtë reformë.

E shtuna, në orën 6:00, është dita juaj, është dita e qytetarëve të Tiranës dhe të mbarë Shqipërisë, dita e goditjes më të rëndë të narkoregjimit dhe kreut të tij Edi Rama.





Lajmet e fundit nga