web counter
LEXO PA REKLAMA!

SHKARKO APP

App Store
Google Play

"Dallëndyshet vriten me pushkë"/ Rama me ironi: Besuan se ministrja lan makinën me qumësht dallëndysheje

26 Shkurt 2026, 12:42, Politikë CNA

"Dallëndyshet vriten me pushkë"/ Rama me ironi: Besuan se

Kryeministri Edi Rama në fjalën e mbajtur në mbledhjen e sotme të Grupit Parlamentar është ndalur te bllokimi i aksit Librazhd-Përrenjas.

Rama tha se në këtë aks po bëhet një nga veprat më të mëdha të infrastrukturës që do të jetë një nga fanarët e kësaj qeverie.

Kryesocialisti, në lidhje me këtë ngjarje, ironizoi edhe deklaratat e opozitës, ku tha se kudo në Europë këto çështje janë gjeologjike, ndërsa në Shqipëri korrupsioni lëviz tokën.

Më tej, kryeministri tha se problemi qëndron në faktin që të gjithë ata kundër qeverisë besojnë çdo akuzë që hidhet ndaj tyre.

 

 

“Po bëhet nami për rrëshqitjen në Librazhd-Përrenjas. Një situatë më dramatike po bëhet matanë kufirit dhe tenxheret e Greqisë nuk e kanë kapur. Me këtë lloj lemerie këtu edhe tokën e lëviz korrupsioni. Në atë aks po bëhet një nga veprat më të mëdha që do të jetë një fanar i kësaj qeverie.

Ndryshimi është që në Portugali, Greqi janë çështje gjeologjike, këtu janë çështje korrupsioni. Të gjtihë ata kundër nesh i besojnë të gjitha këto fjalë. Besuan se një ministre lan makinën 10 mijë euro, se pas shkumës hidhet qumësht dallëndyesheje dhe dallëndyshet vriten me pushkë nga një ministër tjetër e puplat bëhen jastëkë dhe shiten. E besojnë se dikush tjetër ka 300 apartamente, dikush ka 2 anije. I besojnë kaq verbërisht ekzistencës së pushtetit të korrupsionit sa budallallosen.

I keni parë te kutitë e numërimit, rrinë atje t’u dalë fitorja mbi narkoregjimin dhe u del atje një Noc Rrok prapë.

Këtu 'the one and only' është një plak i marrë me dërrasa mangët që merr me vete disa pesona që kontribuojnë për të nxirë imazhin e Shqipërisë duke shpërndarë fotografi”, tha Rama.





Lajmet e fundit nga