web counter
LEXO PA REKLAMA!

SHKARKO APP

App Store
Google Play

Mziu: Drejtuesit socialistë të pushtetit vendor, rekord për përfshirjen në korrupsion

26 Shkurt 2026, 09:54, Politikë CNA

Mziu: Drejtuesit socialistë të pushtetit vendor, rekord për

Deputeti demokrat, Xhelal Mziu, tha sot se Shqipëria mban rekordin sa i përket implikimit të drejtuesve të pushtetit vendor në korrupsion.

I ftuar në "Syri TV", Mziu u shpreh se kjo qasje e socialistëve ka ndryshuar menjëherë sapo Edi Rama u bë kryeministër.

Sipas Mziut, edhe akademitë politike që organizohen nga PS-ja kanë leksione për vjedhjen e qytetarëve.

“Shqipëria është kthyer në një rast Guinness për sa i përket implikimit të drejtuesve të pushtetit vendor, të qeverisë, të grupit parlamentar. Nuk besoj që ka ndonjë vend të dytë as në rajon, as në botë që të ketë këtë qasje në raport me ligjin. Dhe natyrisht edhe pushteti vendor është i implikuar deri në maksimumin e tij të mundshëm. Kjo vjen, në radhë të parë, për shkak të qasjes politike që ka partia, e cila është sot në pushtet, sepse po ta shohësh, unë duke qenë si kryetar bashkie, por edhe koleg me mjaft socialistë, ata kishin një tjetër qasje, sidomos pas ardhjes së Ramës si drejtues politik i Partisë Socialiste, por edhe si kryeministër. Ata, po ta shohësh, zhvillojnë leksione se si mundet ti që të vjedhësh. Ju i keni parë që organizojnë akademi politike, por në fakt çfarë politike bëjnë ata? Këto janë ato shtyllat kryesore të politikës që ato bëjnë. Së pari, thonë se si ti të përfitosh sa më shumë para dhe këto para të shkojnë në këmbim të votave. Pra, çfarë do të thotë? Nëse një projekt i caktuar kushton 100 milionë lekë, thonë ti duhet ta bësh me 200 apo 300 dhe pastaj këto para t'i përdorësh duke i dërguar edhe te partia, duke i dërguar edhe te grupet e tjera të interesit, apo duke i dërguar, pse jo, edhe te qytetari më i fundit, në aspektin gjeografik, për blerjen e votës”,-tha Mziu./CNA





Lajmet e fundit nga