web counter
LEXO PA REKLAMA!

SHKARKO APP

App Store
Google Play

Balla takon raportuesin për Shqipërinë, Schieder: Ambicie për mbylljen e negociatave me BE-në në 2027

25 Shkurt 2026, 09:57, Politikë CNA

Balla takon raportuesin për Shqipërinë, Schieder: Ambicie

Kreu i Grupit Parlamentar të PS-së, Taulant Balla, u takua sot në Parlamentin Europian me Raporterin për Shqipërinë, Andreas Schieder.

Siç bën me dije përmes një postimi në rrjetet sociale, fokusi i takimit ishte dokumenti i draft-rezolutës për Shqipërinë, që do të prezantohet nesër në AFET, si pjesë e procesit të vendit në rrugën e integrimit.

“U takova në Parlamentin Europian me Raporterin për Shqipërinë, Andreas Schieder. Draft-rezoluta për Shqipërinë, e cila do të prezantohet nesër në AFET, përbën një njohje të qartë, objektive dhe inkurajuese të progresit të vendit tonë në rrugën e integrimit europian.

Dokumenti vlerëson hapjen e të gjithë grup-kapitujve të negociatave brenda vetëm 13 muajsh, një rekord në historinë e procesit të zgjerimit të Bashkimit Europian dhe vlerëson ritmin dinamik dhe përmbajtësor të negociatave. Ai thekson ambicien e Shqipërisë për të përmbyllur negociatat e anëtarësimit brenda vitit 2027, duke reflektuar vendosmërinë dhe përgatitjen serioze të Shqipërisë. Parlamenti Europian njeh gjithashtu progresin konkret në forcimin e institucioneve demokratike, konsolidimin e shtetit të së drejtës, avancimin e reformave socio-ekonomike, zbatimin e politikave mjedisore, thellimin e bashkëpunimit rajonal, si dhe harmonizimin e plotë me Politikën e Përbashkët të Jashtme dhe të Sigurisë të Bashkimit Europian. Ky vlerësim rikonfirmon se Shqipëria është në rrugën e duhur drejt anëtarësimit në Bashkimin Europian, me seriozitet, besueshmëri dhe përkushtim të plotë”,-shkruan Balla./CNA

 





Lajmet e fundit nga