web counter
LEXO PA REKLAMA!

SHKARKO APP

App Store
Google Play

Fushata “S’ka Shkurt”/ Ambasadori i OSBE-së, Tarran: Të mbrojmë të rinjtë nga veprimtaria kriminale

24 Shkurt 2026, 11:37, Politikë CNA

Fushata “S’ka Shkurt”/ Ambasadori i OSBE-së, Tarran:

Ambasadori i OSBE në Shqipëri, Michel Tarran, mori pjesë sot në prezantimin e fushatës “S’ka Shkurt”, një nismë në bashkëpunim me Ministrinë e Drejtësisë, që synon ndërgjegjësimin e të rinjve për rreziqet e përfshirjes në paligjshmëri dhe krim.

Në fjalën e tij, Tarran theksoi se kjo fushatë synon mbrojtjen e të rinjve si një investim për të ardhmen e tyre, pasi edhe në rajon është vënë re një tendencë e përfshirjes së tyre në veprimtari kriminale në moshë të re.

“Kjo fushatë pasqyron angazhimin tonë për të mbrojtur të rinjtë dhe për të investuar në të ardhmen e tyre. Ky aktivitet vjen në një moment shumë të përshtatshëm. Në të gjithë rajonin po vëmë re se të rinjtë po përfshihen në veprimtare kriminale në moshë gjithnjë e më të re. Grupet e krimit të organizuar synojnë të rinjtë, shpesh duke i shfrytëzuar ata për të shmangur ndjekjen penale. OSBE është krenare që bashkëpunon me Ministrinë e Drejtësisë për t'iu përgjigjur kësaj sfide përmes fushatës ‘S’ka Shkurt’. Qëllimi është i qartë, krijimi i një kundërnarrative të besueshme. Fushata demaskon premtimet e rreme, tregon se suksesi ndërtohet përmes përpjekjes, këmbënguljes dhe integritetit, jo përmes rrugëve të shkurtra. Presim shtrirjen e kësaj fushate në platformat kryesore të rrjeteve sociale në Shqipëri dhe arritjen e saj në audiencat e reja në mbarë vendin”,- tha Tarran./CNA





Lajmet e fundit nga