web counter
LEXO PA REKLAMA!

SHKARKO APP

App Store
Google Play

Imuniteti i Ballukut/ Bardhi-Ramës: Urdhërove 5 anëtarët e tu të bëhen mburojë politike

23 Shkurt 2026, 15:44, Politikë CNA

Imuniteti i Ballukut/ Bardhi-Ramës: Urdhërove 5 anëtarët e

Kreu i Grupit Parlamentar të PD-së, Gazment Bardhi, reagoi sot pas mbylljes së mbledhjes së Këshillit të Mandateve.

Në një deklaratë për mediat, Bardhi akuzoi kryeministrin Edi Rama se urdhëroi pesë anëtarët e tij në këshill që të vepronin si një mburojë politike për Belinda Ballukun.

"Asnjë surprizë. Rama kishte urdhëruar 5 anëtarët e tij që të bëheshin mburojë politike për të korruptuarën Balluku. Ajo që konfirmoi SPAK-u është që situata penale ndaj Ballukut është rënduar së tepërmi krahasuar me masat e para që gjykata ka dhënë ndaj saj. Masa që në këtë moment të hetimit nuk mbrojnë dot hetimin e paanshëm dhe të plotë nga prokuroria. Në momentin që ndaj Ballukut është kërkuar marrja e masave shtrënguese dhe ndaluese në GJKKO ajo rrezikonte një dënim që shkonte deri në 10 vite, sot që flasim nëse provohen akuzat, Balluku rrezikon deri në 35 vite burg. Kjo tregon që jemi në situatë të rënduar. Prokurorët në një dëshmi tronditëse i kanë vendosur në dispozicion këshillit provat se si Balluku përmes dy formave, forma e parë përmes të fortëve që ata po hetojnë, nëse bëhet fjalë për persona të krimit është në hetim, dhe rezervuan të drejtën për të mos dhënë detaje. Kanë kërcënuar me jetë dëshmitarë në çështjen 'Balluku'. Dhe forma e dytë, përmes zyrtarëve të lartë publikë, që së pari duke kërcënuar dëshmitarët se do t’i hiqnin nga puna ata që dëshmonin kundër Ballukut, është nënë, edhe baba. Dhe pasi kishin dështuar me kërcënimin i kishin ofruar para",-tha Bardhi./CNA





Lajmet e fundit nga