web counter
LEXO PA REKLAMA!

SHKARKO APP

App Store
Google Play

E fundit!

x

"Vepra penale të dukshme"/ Balla u përgjigjet deklaratave të Berishës

21 Shkurt 2026, 15:28, Politikë CNA

"Vepra penale të dukshme"/ Balla u përgjigjet deklaratave

Kreu i Grupit Parlamentar të PS-së, Taulant Balla, ka komentuar deklaratat e kreut të PD-së, Sali Berisha, të bëra sot në një bashkëbisedim me qytetarët në rrjetet sociale.

Balla shprehet se deklaratat e Berishës përbëjnë vepra penale që, sipas tij, duhen vlerësuar nga organet kompetente. Ndër të tjera, ai thotë se demokratët nuk duhet “të marrin veten më qafë” nga urdhrat e Berishës.

Postimi i plotë:

Reagimi im ndaj Sali Berishës, i cili paska kërcënuar me sulme selitë e PS nëpër qytete: “Do iu asgjësojmë”

SB : “U kërkoj të gjitha degëve të bëjnë rikonicionin e plotë të selive të PS në çdo rreth. Dhe garantoj Edi Ramën se sulmet ndaj selisë së PD do të sjellin sulme asgjësuese për selitë e partisë së krimit në të gjithë territorin e vendit”.

Thirrja publike për kryerjen e veprave penale, thirrja për dhunë, nxitja e urrejtjes dhe e përçarjes, goditjet që shkojnë deri në tentativë vrasje ndaj punonjësve të policisë së shtetit, goditjet për shkak të detyrës, përfshirja e të miturve në krim janë vepra penale të dukshme. I takon organeve kompetente t’i vlerësojnë.

Kam një thirrje vllazërore miqve të Partisë Demokratike në bazë, mos e merrni veten në qafë nga urdhërat e një plaku matuf, i cili për prapanicën e tij ka mbjellë vëllavrasje gjithë jetën e tij politike. Tropoja për shembull e ka vuajtur dhe vazhdon ti vuajë thirrjet dhe porositë e tij.

Kaq për sot! Ditë të mbarë dhe faleminderit për vëmendjen mbi këtë çështje. /CNA

"Vepra penale të dukshme"/ Balla u përgjigjet deklaratave





Lajmet e fundit nga