web counter
LEXO PA REKLAMA!

SHKARKO APP

App Store
Google Play

E fundit!

x

Berisha takon përfaqësues të diasporës: Protesta pranë ambasadave dhe institucioneve ndërkombëtare

21 Shkurt 2026, 16:02, Politikë CNA

Berisha takon përfaqësues të diasporës: Protesta pranë

Kryetari i Partisë Demokratike, Sali Berisha, ka zhvilluar këtë të shtunë një takim në selinë e PD-së me përfaqësues të diasporës.

Siç bën me dije vetë kryedemokrati përmes një postimi në rrjetet sociale, gjatë takimit është bërë thirrje për protesta nga diaspora pranë ambasadave dhe institucioneve ndërkombëtare.

“Sot, gjatë një takimi me përfaqësues të diasporës në selinë e Partisë Demokratike, unë lashë një alarm kombëtar mbi situatën kritike në të cilën ndodhet vendi. E cilësova qeverisjen aktuale si një regjim diktatorial që ka tejkaluar në dëm kombëtar edhe diktaturën e kaluar, duke e vënë Shqipërinë në rrugën e shuarjes demografike.

Gjatë fjalës sime, paraqita të dhëna tronditëse mbi gjendjen e popullsisë:

“Në rafshin e dëmit kombëtar, kjo qeveri është më e dëmshme se ajo tjetra, sepse ai regjim persekutoi 120 mijë shqiptarë, 40 mijë i çoi në kampe përqendrimi, 60 mijë i pushkatoi. Ndërsa ky regjim, në vetëm 10 vite, ka larguar nga Shqipëria 45% të shqiptarëve, dhe ne nuk po e kuptojmë se po vrapojmë drejt shuarjes. Nga viti 1990 deri më 2026 lindjet janë ulur me 74%. Vjetërsimi i popullatës ka ndodhur me ritme 300% më të mëdha se në Europë. Sipas të gjitha përllogaritjeve demografike, pas 50 vitesh Shqipëria nuk do të ekzistojë më si vend shqiptarësh.”

Denoncova atë që e quaj “mburojë ligjore për vjedhjet”, një praktikë e paprecedentë ku Kryeministri përdor ligjin për të mbrojtur korrupsionin galopant. Bashkimi Evropian nuk mund ta pranojë këtë model dhe është i përgatitur ta kthejë në “pikën zero” procesin e integrimit të Shqipërisë.

Vura në dukje ndryshimin dramatik në numrin e të punësuarve në administratë, i cili ka shkuar në 240 mijë rrogëtarë nga 97 mijë që ishin më parë. Kjo është një përpjekje për të mbajtur peng 240 mijë familje përmes rrogës shtetërore, duke penguar fëmijët e tyre të ngrihen kundër regjimit.

U bëra thirrje të gjithë shqiptarëve, kudo që ndodhen, ta shohin këtë jo si një betejë partiake, por si një betejë për ekzistencën e Shqipërisë.

Protesta në diasporë: Mobilizim i plotë pranë ambasadave të Shqipërisë dhe institucioneve ndërkombëtare.

Mbrojtja e votës: Çdo qytetar që beson te dënimi i vjedhjes dhe te rruga evropiane duhet të jetë në shesh.

Protesta paqësore: Mobilizim i përgjithshëm kundër regjimit Rama–Balluku për t’i kthyer vendit legjitimitetin.

Kjo betejë është plotësisht e fitueshme. Mediat ndërkombëtare po pasqyrojnë realitetin tonë sepse këtu po mbrohet korrupsioni. Duhet t’u tregojmë vendeve të lira se kush qeveris vërtet në Shqipëri”,-shkruan Berisha./CNA





Lajmet e fundit nga