E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Çështja ‘Balluku’/ Mazhoranca njëzëri: Mjafton pezullimi

23 Shkurt 2026, 17:41, Politikë CNA

Çështja ‘Balluku’/ Mazhoranca njëzëri: Mjafton

Mazhoranca duket se është në unison për çështjen e shumëdiskutuar në Këshillin e Mandateve, duke theksuar se për rastin e Belinda Ballukut mjaftojnë masat e marra, pra mjafton pezullimi.

Deputeti i PS-së, Ulsi Manja, ka deklaruar se masat e vendosura në fuqi janë të mjaftueshme për nevojat e hetimit.

“Masat në fuqi janë të mjaftueshme për nevojat e hetimit”,-u shpreh Manja në mbledhje.

Ndërkohë, pas përfundimit të mbledhjes, edhe kreu i Grupit Parlamentar të PS-së, Taulant Balla, ka theksuar qëndrimin e mazhorancës.

“Kuvendi ka marrë kohën dhe gjatë diskutimeve sot ka dalë edhe fakti që ka qenë pezulluar shqyrtimi i pezullimit. Sot pyetjet e deputetëve ndaj të gjitha palëve të përfaqësuara mendoj se kanë hedhur dritë mbi shumë çështje që lidhen me elemente thelbësore të prezumimit të pafajësisë, sipas nenit 30. Ka qenë edhe rekomandim i BE-së për numrin e lartë të të paraburgosurve. Edhe në kombinimin me ju, 'sms' e demokatëve erdhi para mbajtjes së qëndrimit. Do keni një informim në mbledhjen e parë të grupit sepse autorizimin e jep seanca plenare dhe jo mbledhja këtu. Duhet të kuptojmë që ka disa elementë që nuk mund të bëhen publike. Kur Manja të hartojë raportin, do kemi 2 relatorë, ndërkohë që 5 deputetët do të sjellin raportin e tyre”,-tha Balla.

Masa e pezullimit ndaj Ballukut u rrëzua fillimisht në Gjykatën Kushtetuese, më pas ishte vetë Gjykata Kushtetuese që e la në fuqi masën e pezullimit, pra nuk mori vendim duke e lënë në fuqi me një vendim pa vendim, kështu që masa e pezullimit ngeli në fuqi.

Ndërkohë që në momentin e parë, Prokuroria e Posaçme, pasi nuk mori konfirmimin për një pezullim nga Gjykata Kushtetuese, iu drejtua Këshillit të Mandateve për heqjen e imunitetit.

Tanimë, pasi pezullimi është ende i lënë në fuqi nga Gjykata Kushtetuese, mazhoranca është e qëndrimit se është e mjaftueshme dhe Balluku s'ka se si të prishë provat, për aq kohë sa nuk do të jetë më në detyrë, pasi është pezulluar nga Gjykata Kushtetuese./CNA