web counter
LEXO PA REKLAMA!

SHKARKO APP

App Store
Google Play

Protesta e 28 shkurtit/ Deputeti: PD duhet të ngrejë temperaturat, gati skenari B

24 Shkurt 2026, 07:34, Politikë CNA

Protesta e 28 shkurtit/ Deputeti: PD duhet të ngrejë temperaturat,

Deputeti i PD-së, Gjin Gjoni, zbuloi se opozita ka një plan rezervë për protestën e 28 shkurtit.

Në një lidhje me emisionin “Të Paekspozuarit”, Gjoni tha se demokratët po bëjnë një analizë për të realizuar një lloj skenari që kërkon edhe një përqasje nga faktori ndërkombëtar.

Sipas deputetit, PD duhet të ngrejë temperaturat e protestës, për të shkuar drejt një përshkallëzimi dhe pike kulmore.

“Ka një plan nga PD, po bën analizë. Situata e krijuar është edhe prej paaftësisë së organizmit të PD-së, nëse gjërat do të ishin mirë, do të ishim ndryshe. PD po realizon një lloj skenari që kërkon edhe përqasje nga faktori ndërkombëtar, ndaj kemi sensibilizuar edhe mediat ndërkombëtare. Ardhja e një ekipi vëzhgues nga Parlamenti Europian shton temperaturën e protestës, edhe të simpatizantëve, në këtë qasje të re për protestën që nuk është më e mira, por po përmirësohet. Qytetarët kërkojnë fjalime jo të gjata. Në të gjitha takimet që zhvilluam me parlamentarët europianë është dhënë informacion për çfarë ndodh në Shqipëri. Por duhet edhe reagimi qytetar. PD duhet ta ngrejë temperaturën e protestës shkallë-shkallë. Unë edhe në mbledhje kam thënë dhe jam për përshkallëzim radikal për protetën për të arritur një pikë kulmore. Deri sot nuk ka qenë e shtruar për zgjidhje qeveria teknike si sot. Ka edhe një plan B, paralelisht me protestat ka edhe një skenar B si greva e urisë, bllokimi i institucioneve”,-tha Gjoni./CNA

 

 





Lajmet e fundit nga