web counter
LEXO PA REKLAMA!

SHKARKO APP

App Store
Google Play

E fundit!

x

Shehi kritikon opozitën: Vepron pa strategji, protestat me militantë të lodhur

25 Shkurt 2026, 08:34, Politikë CNA

Shehi kritikon opozitën: Vepron pa strategji, protestat me militantë

Politikani Dashamir Shehi ka kritikuar ashpër opozitën se nuk ka strategji dhe zhvillon protesta me të njëjtët militantë që janë lodhur.

Në emisionin e mbrëmjes në "A2 CNN", Shehi tha se mënyra më e mirë për të bashkuar opozitën është përmes një projeksioni të ri politik që krijon shpresë.

“Nuk më duket sikur ka një strategji opozitare. Kjo është strategjia e PD-së që është shumica e opozitës, por me thënë të drejtën nuk është se po shoh gjë të madhe. Protestat organizohen me të njëjtët militantë dhe ata po lodhen, bëhen gjithnjë e më pak. Mënyra për ta bashkuar opozitën është një projeksion i ri politik që krijon shpresë. Nuk shikoj qytetarët e Tiranës të mbyllin dyqanet dhe të dalin në protestë. Dyqani mbyllet kur njerëzit e ndiejnë që protesta është më e rëndësishme se puna e ditës ose kur ka një tension të madh shoqëror. Nuk shikoj këtë atmosferë. Ndoshta njerëzit janë lodhur, ndoshta alternativa nuk i frymëzon. Populli e di që gjërat nuk shkojnë mirë, por pyetja është: çfarë do të bëhet ndryshe kur të vini ju? Alternativa duhet të jetë më e fortë se kritika”,-tha Shehi./CNA





Lajmet e fundit nga