web counter
LEXO PA REKLAMA!

SHKARKO APP

App Store
Google Play

Agjenci për kontrollin e burgjeve/ Lamallari: Instrument modern për mbikëqyrjen penale

25 Shkurt 2026, 11:47, Politikë CNA

Agjenci për kontrollin e burgjeve/ Lamallari: Instrument modern për

Ministri i Drejtësisë, Besfort Lamallari, ishte sot i pranishëm në mbledhjen e Komisionit për Çështjet e Brendshme dhe të Mbrojtjes, ku u shqyrtua projektligji “Për Agjencinë e Mbikëqyrjes në Sistemin e Ekzekutimit të Vendimeve Penale”.

Në fjalën e tij, Lamallari u shpreh se është me rëndësi krijimi i një kuadri të ri ligjor për forcimin e kontrollit, transparencës dhe profesionalizmit në sistemin e ekzekutimit të vendimeve penale.

“Projektligji synon krijimin e një strukture moderne dhe funksionale, e cila do të garantojë mbikëqyrje efektive të institucioneve të ekzekutimit të vendimeve penale, në përputhje me Kushtetutën dhe standardet ndërkombëtare të drejtësisë penale. Agjencia e re do të ketë për mision parandalimin, zbulimin dhe hetimin e veprave penale brenda sistemit, si dhe forcimin e mekanizmave të kontrollit të brendshëm për të garantuar integritetin institucional. Ministria e Drejtësisë i qëndron variantit të projektligjit të miratuar nga Këshilli i Ministrave. Ky draft ka pasur kohë të mjaftueshme për t’u konsultuar në çdo germë të tij. Në projektligj, një theks i veçantë i jepet veprimtarisë informative gjurmuese, e cila do të zhvillohet në përputhje me legjislacionin në fuqi dhe mbi bazën e udhëzimeve të përbashkëta ndërinstitucionale, duke garantuar respektimin e të drejtave dhe lirive themelore. Projektligji parashikon mekanizma shtesë për mbrojtjen e të dhënave personale, në përputhje me legjislacionin përkatës, si dhe kërkesën për autorizim nga prokurori përpara marrjes së të dhënave nga punonjësit operacionalë, me qëllim shmangien e çdo abuzimi të mundshëm. Kjo nismë është një hap i rëndësishëm drejt konsolidimit të një sistemi të sigurt, transparent dhe të përgjegjshëm të ekzekutimit të vendimeve penale, në shërbim të shtetit të së drejtës dhe besimit të qytetarëve tek institucionet”,-tha Lamallari./CNA





Lajmet e fundit nga