web counter
LEXO PA REKLAMA!

SHKARKO APP

App Store
Google Play

Dëmtimi i aksit Librazhd-Pogradec/ Rama ironizon opozitën, poston pamjet e një rruge në Portugali

25 Shkurt 2026, 18:20, Politikë CNA

Dëmtimi i aksit Librazhd-Pogradec/ Rama ironizon opozitën, poston

Kryeministri Edi Rama ka bërë një reagim në rrjetet sociale lidhur me situatën e shkaktuar nga shembja e rrugës Librazhd-Pogradec. Rama ka ndarë pamje të një rruge të shembur në Portugali, ndërsa duke ironizuar shprehet se opozita portugeze është në gjumë.

Kreu i qeverisë më tej pyet se si ka mundësi që opozita shqiptare nuk e ka denoncuar akoma në SPAK, atë që me ironi e cilëson si "vepër të korrupsionit".

“Çudi e madhe, në Portugali ka ndodhur kjo nga të njëjtat fenomene, po s’po e marr vesh se mirë opozita portugeze është në gjumë, mirë edhe ato pak tenxhere mediatike të Portugalisë janë me temperaturë të ulët e s’ka vend për gjithë këtë rrugë të re, po si ka mundësi që opozitat e këtushme nuk e kanë denoncuar akoma në SPAK këtë vepër të korrupsionit dhe si është e mundur që 700 tenxheret e flakta të mexhelisit tonë mediatik, nuk kanë thirrur gjithollogët e tyre që të jashtënxjerrin faktet e tmerrshme që fshihen nën asfaltin e këtij korrupsioni qeveritar, ku padyshim është dora e narkoshtetit shqiptar”, thuhet në postimin e Ramës. /CNA





Lajmet e fundit nga