web counter
LEXO PA REKLAMA!

SHKARKO APP

App Store
Google Play

Rasti "Balluku"/ Rama: Pezullimi i një ministri, ndërhyrje brutale e gjyqësorit

26 Shkurt 2026, 12:02, Politikë CNA

Rasti "Balluku"/ Rama: Pezullimi i një ministri, ndërhyrje

Kryeministri Edi Rama u shpreh sot para socialistëve në mbledhjen e Grupit Parlamentar të PS-së lidhur me rastin e zëvendëskryeministres Belinda Balluku.

Në fjalën e tij, Rama tha se vendimet për pezullim ndaj një ministri nga një gjykatës e prokuror, në një seancë pa gjyq, nuk ka ndodhur në historinë e botës dhe e quajti si një ndërhyrje brutale të gjyqësorit në pushtetet e tjera të shtetit.

“Pas 100 e kusur vjetësh, ne i dhamë pavarësinë, prandaj dhe unë që e kam udhëhequr partinë dhe këtë shumicë në rrugën e përpjetë për pavarësinë e gjyqësorit, nuk bëhem kurrë pishman, pavarësisht bombave artificiale kur ndizen nga lloj-lloj gjykatësish, që shija e pavarësisë i deh, ua errëson sytë dhe i nis në drejtime që cenojnë pavarësinë e pushteteve të tjera, duke i bërë shkelës të lirive dhe të të drejtave të njeriut. Prandaj dhe sot rreziku i udhëkryqit të mjegullt në këtë aspekt nuk është që legjislativi apo ekzekutivi të cenojnë pavarësinë e gjyqësorit, por gjyqësori të gjymtojë jo thjesht pavarësinë e dy të tjerëve, por aftësinë e dy të tjerëve për të funksionuar. Kjo ka ndodhur në vende të tjera, por kjo nuk mund të ndodhë në këtë vend sepse ky vend që është në ngjitje të vazhdueshme nuk e ka luksin të frenohet, jo më pastaj të ribjerë aty ku ishte. Çfarë është përveçse ndërhyrje brutale në territorin e pushteteve të tjera pezullimin i një ministri nga një gjykatës e prokuror, në një seancë pa gjyq, i ndodhur në historinë e botës?”,-deklaroi Rama./CNA

 





Lajmet e fundit nga