web counter
LEXO PA REKLAMA!

SHKARKO APP

App Store
Google Play

"Gjykatësit i deh shija e pavarësisë"/ Rama: Shpërndajnë fletëthirrje që u ngjajnë biletave të teatrit

26 Shkurt 2026, 11:31, Politikë CNA

"Gjykatësit i deh shija e pavarësisë"/ Rama:

Kryeministri Edi Rama, në fjalën e mbajtur në mbledhjen e Grupit Parlamentar, është ndalur edhe te pushteti gjyqësor. Rama tha se nuk pendohet për rrugën e vështirë të reformës në drejtësi, pavarësisht sulmeve të bëra.

Kryesocialisti u shpreh se pas më shumë se 100 vitesh, iu dha pavarësi reale gjyqësorit dhe nuk u la thjesht në letër ndarja e 3 pushteteve.

Më tej, Rama deklaroi se disa gjyqtarë janë “dehur” nga pavarësia e gjyqësorit dhe kjo mund të çojë në gjymtimin e 2 pushteteve të tjera.

 

 

“Janë turrur në garën për mandatin e ardhshëm të SPAK-ut, duke prerë fletarreste në tufa. Siç ishte rasti i Durrësit, ku vetëm prokurori ngeli pa i prerë vetes fletarresti. Apo duke u shpërndarë fletëthirrje që u ngjajnë biletave të teatrit, deri në absurditete të skajshme. Siç është rasti në Tiranë ku një ndërtuesi i është konfiskuar ndërtesa dhe përdoret për një institucion shtetëror. Dhe prokuroria ka hapur kallëzim penal ndaj punonjësve.

Tani me siguri do të thonë se kam ndërhyrë në punët e drejtësisë. Unë do të them 1/100 e atyre që kam për të thënë për ndërhyrjet e gjyqësorit në punët e ekzekutivit.

Pikërisht se ne besojmë që kur Kushtetuta thotë se janë 3 pushtete të pavarura dhe nuk mund të jenë në letër, por realitet, kjo parti i hyri detit në këmbë. Pas 100 e kusur vjetësh shtet shqiptar ne i dhamë pavarësi reale gjyqësorit. Unë që e kam udhëhequr partinë në rrugën e përpjetë të pavarësisë së gjyqësorit nuk bëhem kurrë pishman, pavarësisht bombave artizanale që kur ndizen nga lloj-lloj gjykatësi, të cilët shija e pavarësisë reale i deh. U errëson sytë duke i bërë minimalisht shkelës të së drejtave, se maksimalisht ka shumë më keq. Rreziku është që gjyqësori të gjymtojë jo thjesht pavarësinë e dy të tjerave, por edhe aftësinë e dy të tjerave për të funksionuar. Kjo nuk mund të ndodhë në këtë vend, ky vend nuk e ka luksin të frenohet e jo më pastaj të ribjerë”, tha Rama.





Lajmet e fundit nga