web counter
LEXO PA REKLAMA!

SHKARKO APP

App Store
Google Play

"U kam dorëzuar shpatën e drejtësisë"/ Rama për gjyqtarët: Paguhen "sa frëngu pulën" që të qeverisin sistemin

26 Shkurt 2026, 11:51, Politikë CNA

"U kam dorëzuar shpatën e drejtësisë"/ Rama

Kryeministri Edi Rama në mbledhjen e Grupit Parlamentar, duke u ndalur te pagat e gjyqtarëve dhe kërkesat e tyre, tha se ata paguhen që të qeverisin sistemin e ri të drejtësisë, jo të ankohen për presione inekzistente.

Rama u shpreh se nuk mund të ankohen për presione nga kryeministri, kur ishte ky që u dha të ashtuquajturën “shpatë e drejtësisë”, për të cilën tha se kishte vite që mbahej në zyrën e tij.

Më tej, Rama tha se ai mund të akuzohet për ndërhyrje kur të flasë për ndonjë çështje që është ende në gjykim. Gjithashtu kryeministri tha se ka ngritur alarmin për numrin e të paraburgosurve dhe sipas raportit të KE-së.

Kryesocialisti deklaroi se vuri alarmin për dëmin që shoqata e gjyqtarëve do t’i shkaktonte buxhetit të shtetit duke rritur rrogat e tyre.

 

“Paguhen 'sa frëngu pulën' që të qeverisin sistemin e ri të drejtësisë, jo të ankohen për presione inekzistente nga unë që u kam dorëzuar shpatën e drejtësisë së pavarur, e cila rrinte në zyrën time.

Kur unë të hyj në meritën e ndonjë çështjeje kur është ende në gjykim atëherë hajdeni ta diskutojmë. Po kur unë ngre zërin se më vjen turp për nivelin alarmant të të paraburgosurve sipas raporti të KE-së dhe nuk bëhet asgjë për ta trajtuar raportin me seriozitet maksimal, e vetmja gjë që i bën të ekzistojnë janë deklaratat, për mua është të vësh duart në kokë.

Po bëhen ca si shumë deklarata për të vënë duart në kokë. Unë vura alarmin si kryeministër për gropën që shoqata e gjyqtarëve donte të hapte në buxhetin e shtetit duke rritur rrogat me gjyq dhe padrejtësisht.

 

Askush nga ne nuk duhet të merret me gafat dhe lajthitjet e drejtësisë së re, sepse qëllimi ynë është të kërkojmë mirëkuptim për gjëra që nuk shkojnë apo shkojnë aq keq sa dëmtojnë kauzën e përbashkët për shtetin ligjor demokratik”, tha Rama.





Lajmet e fundit nga