web counter
LEXO PA REKLAMA!

SHKARKO APP

App Store
Google Play

Alimehmeti: Rama është bërë si Enver Hoxha, ka kapur të gjitha pushtetet

26 Shkurt 2026, 14:54, Politikë CNA

Alimehmeti: Rama është bërë si Enver Hoxha, ka kapur të

Demokrati Ilir Alimehmeti tha se me mënyrën se si po vepron kryeministri Edi Rama ngjason me diktatorin Enver Hoxha që kishte në dorë të gjitha pushtetet.  

I ftuar në "A2 CNN", Alimehmeti u ndal te disa çështje, për të cilat tha se Rama ka ndërhyrë.

Sipas Alimehmetit, veprimet dhe fjalimet e Ramës janë komplet të ndara.

“Ky është bërë krejt si Enver Hoxha, që thoshte 'ne jemi pa ngrënë këtu, jemi të gjithë me tollona, por as ata nuk kanë'. Pra, vdisni ju, rrini të izoluar se është edhe një fshat me 900 veta në Portugali që edhe ata e kanë rrugën e prishur. Kjo është e njëjta retorikë. E kemi dëgjuar ne këtë. E kemi histori të parë dhe ky është realiteti. Pra, një njeri që kap të gjitha pushtetet, legjislativ, ekzekutiv, gjyqësor dhe vendor, dhe nga krahu tjetër çfarë ka për qytetarin? Parkon radhë dysh, burg; nuk paguan energjinë elektrike, burg. Ke ndërhyrë te uji, burg, ke vënë katër llamarina për të bërë kotec pulash, burg. Dhe pastaj ky (Edi Rama) çfarë thotë? Kemi shumë njerëz në paraburgim. Po kush i futi? Veprimet dhe fjalimet janë komplet të ndara”,-tha Alimehmeti./CNA





Lajmet e fundit nga