web counter
LEXO PA REKLAMA!

SHKARKO APP

App Store
Google Play

E fundit!

x

Draft-raporti për Shqipërinë/ McAllister: Mazhoranca të krijojë hapësira dhe opozita të bëhet më bashkëpunuese

26 Shkurt 2026, 13:33, Politikë CNA

Draft-raporti për Shqipërinë/ McAllister: Mazhoranca të

Ditën e sotme, Komisioni i Jashtëm i PE-së ka diskutuar draft-raportin e progresit të Shqipërisë drejt BE-së.

Kryetari i Komisionit për Punët e Jashtme në Parlamentin Europian, David McAllister, në fjalën e tij tha se Shqipëria duhet të vazhdojë të punojë për të shkuar më tej.

McAllister u shpreh se PE inkurajon dialogun politik në vend, duke kërkuar më shumë hapësira të krijaura nga mazhoranca dhe më shumë bashkëpunim nga opozita.

Më tej në fjalën e tij, ai tha se Parlamenti Europian ka parë progres dhe të gjitha forcat politike kanë pasur interes.

 

“Artikulli numër 21, do të vazhdojmë për draft-raportin për Shqipërinë. Shqipëria i ka hapur të gjithë kapitujt dhe është në pritje të raportit. Shqipëria duhet të vazhdojë edhe më tej të punojë për të shkuar më tej drejt procesit të avancimit. Çdo vend ecën në mënyrë individuale në këtë proces. Duhet parë ndryshimi i madh për qytetarët, vlerësojmë se të gjitha forcat politike kanë pasur interes drejt procesit të integrimit. Inkurajojmë dialog politik, është me rëndësi që edhe mazhoranca të krijojë hapësira për opozitën dhe opozita të bëhet më bashkëpunuese në interes të popullit dhe të demokracisë. Ne kemi parë progres në Shqipëri. Kemi bërë vizitë në Shqipëri ashtu si edhe pak ditë më parë ku kemi vënë re edhe progreset”, tha ai.





Lajmet e fundit nga