web counter
LEXO PA REKLAMA!

SHKARKO APP

App Store
Google Play

E fundit!

x

“Rama mendon të vdesë i qelbur në pushtet”/ Ish-ministri, thirrje të fortë: Protesta është jeta e demokracisë

7 Korrik 2022, 11:38, Politikë CNA

“Rama mendon të vdesë i qelbur në pushtet”/

Ish-ministri i Drejtësisë, Ylli Manjani, u ka drejtuar një thirrje të fortë qytetarëve, që të marrin pjesë në protestën e sotme para Kryeministrisë.

Në një postim në rrjetet sociale, Manjani shkruan se sot nuk bie Rama, por bie tangërllëku bajat i tij që mendon të vdesë i qelbur në pushtet.

Po ashtu Manjani thekson se protesta është jeta e demokracisë.

“Protesta e sotme nuk është e jashtëzakonshme, por thjesht fillimi i një zakoni të mirë demokratik. Ndaj ajo nuk është e fundit, por fillimi i protestave të tjera.

Qytetaria reagon, proteston, qoftë edhe me ftesë të partive politike. Partitë për këtë punë janë. Edhe kur protestonte populli me thirrjen e Ramës kështu ishte.

Sot nuk ka zgjidhje magjike, por është magjia e reagimit demokratik. Populli që s'proteston sundohet, nuk qeveriset.

Sot nuk bie Rama, por bie tangërllëku bajat i tij që mendon të vdesë i qelbur në pushtet.

Sot nuk vendoset kush është më i mirë ndër të këqinjtë, por fillohet ndarja nga e keqja me të cilën bashkjetojmë nën shprehjen e Mehdi Malkajt "çmë duhet mua".

Protesta është jeta e demokracisë.

Nesër do jetë një dite e re, padyshim do jetë një protestë e re. Por, protestën e sotme mos e lër për nesër!”-shkruan Ylli Manjani./CNA.al





Lajmet e fundit nga