web counter
LEXO PA REKLAMA!

SHKARKO APP

App Store
Google Play

Rama: Më 11 Maj populli shqiptar do të marrë një vendim historik

24 Prill 2025, 17:17, Politikë CNA

Rama: Më 11 Maj populli shqiptar do të marrë një vendim

Kryeministri Edi Rama ka deklaruar nga takimi elektoral në Gramsh se në 11 Maj populli do të marrë një vendim historik, për të hapur derën e BE për Shqipërinë.

“Në 11 maj po e shohim se si Gramshi ka filluar të vizitohet. Pra ajo perdja e hekurt që kishte rënë mes Gramshit dhe pjesës tjetër të Shqipërisë ra me rrugën e re, u bë lidhje e shpejtë.

Bukuritë e gjithë kësaj zone kanë filluar të zbulohen. Ajo që ne do të bëjmë është që të nxisim mbështesim çdo njeri që do të investojë në këto territore kaq të bukura për mikpritje.

Ne kemi ndërmarrë një hap tjetër shumë të rëndësishëm në rrugën e Shqipërisë 2030 hapi i rilindjes tonë ushatarle. Në Gramsh ka një histori, një traditë dhe një mundësi. Do vazhdojmë punën, kemi diskutuar me kompani të ndryshme. Një nga pikat që duam për të hapur një nga pikat për të punësuar më shumë vajza dhe djem do e bëj realitet më herët se sa vonë.

Ka diçka edhe më të rëndësishme në 11 maj që të gjithë ne duhet të jemi të vetëdijshëm që sa më shumë njerëz përtej partive politike të na bashkohen.

Ajo që e bën 11 majin një ditë historike nuk është se populli do shkojë në zgjedhje. Është shumë e rëndësishme që populli merr fjalën dhe vendos se kush do të qeverisë.

11 Maj populli shqiptar do të marrë një vendim historik për diçka që lidhet me historinë tonë dhe të ardhmen tonë për diçka që lidhet me të parët tanë fati deshi që të përputhen dëshirat tona për tu hapur dera e BE-së”, tha Rama./ CNA





Lajmet e fundit nga