web counter
LEXO PA REKLAMA!

SHKARKO APP

App Store
Google Play

E fundit!

x

“I dhatë Ramës përgjigjen që meritonte”/ Berisha: I japim përparësi rikthimit dhe kompensimit të pronës

24 Prill 2025, 12:30, Politikë CNA

“I dhatë Ramës përgjigjen që meritonte”/

Kreu i Partisë Demokratike, Sali Berisha, zhvilloi sot një takim në Himarë. Në këtë qytet, Berisha prezantoi edhe kandidatët e koalicionit ‘PD-Aleanca për Shqipërinë Madhështore’.

Në fjalën e tij, Berisha theksoi se programi i PD-së do t’i japë përparësi absolute paprekshmërisë së pronës, rikthimit dhe kompensimit të saj, si edhe pajisjen me dokumente.

Berisha u shpreh se Himara ia dha Edi Ramës përgjigjen që meritonte, duke folur për Fredi Belerin.

Në këtë takim, Berisha theksoi se PD dhe aleanca e saj janë një aleancë konservatore, e cila ka në themel të saj vlerat tradicionale të njeriut, dinjitetin njerëzor, liritë e tij, pronën, besimin te Zoti, atdhetarinë.

“Askush nuk ka qëndruar ndaj së keqes siç keni qëndruar ju, himarjotët.

Vajza që paraqet takimin e quajti Himarën e lavdisë, e vërteta është se qëndresa e Himarës është një faqe e lavdishme në historinë e njeriut, në betejën me të keqen, qëndrimin e tij të pamposhtur dhe ju të tillë keni qenë në të gjitha kohërat.

Dhe ta marrë vesh Edi Rama se pushtimeve, askush nuk u ka dhënë përgjigje më të merituar se Himara dhe Himara ia dha Edi Ramës atë përgjigje që meritonte. Atë përgjigje ia dha me Fredi Belerin.

PD dhe aleanca e saj janë një aleancë konservatore, e cila ka në themel të saj vlerat tradicionale të njeriut, dinjitetin njerëzor, liritë e tij, pronën, besimin te Zoti, atdhetarinë.

Ne besojmë fort se vetëm duke u bazuar në këto vlera mund të ndërtojmë Himarën Madhështore, Shqipërinë Madhështore.

Mund të ndërtojmë Himarën e ëndrrës së bukur të bijve dhe bijave të saj.

Shqipërinë e ëndrrës së bukur të bijve dhe bijave të saj.

Ndaj dhe jam këtu për t’u zotuar para jush se qeveria e ardhshme, paprekshmërinë e pronës, rikthimin dhe kompensimin e saj, pajisjen tuaj me dokumente, të gjitha legalizimet dhe çdo gjë që keni, do t’i ketë përparësi absolute”,-tha Berisha./CNA





Lajmet e fundit nga