web counter
LEXO PA REKLAMA!

SHKARKO APP

App Store
Google Play

Prezantohet ‘Paqja Fiskale’/ Rama, në Elbasan: Mundësi për reforma dhe lehtësira fiskale

24 Prill 2025, 12:11, Politikë CNA

Prezantohet ‘Paqja Fiskale’/ Rama, në Elbasan: Mundësi

Kryeministri Edi Rama zhvilloi sot një bashkëbisedim me biznesin në Elbasan për ‘Paqen Fiskale’. Ky program konsiston në një seri reformash dhe lehtësish fiskale që do të ndërmarrë qeveria shqiptare me qëllim mbështetjen e biznesit të vogël dhe nxitjen e formalizimit të ekonomisë.

Sipas Ramës, kjo paketë u jep bizneseve mundësinë për të mbyllur çështjet e së kaluarës dhe për të pasur një marrëdhënie të re, më të drejtë dhe më të parashikueshme me shtetin.

Rama tha se interesi për zhvillimin e bizneseve është komplementar, si për sektorin publik, ashtu edhe për atë privat.

“Besoj shumë që sikur të kishte një pjesë të hapësirës virtuale t’i jepej punës, do të kishte më shumë optimizëm. Komplementar kemi interesin, ju atë privat, ne atë publik. Kjo ndodh kur sipërmarrrja është më e fortë”,-tha Rama.

Rama u shpreh se një ndikim të madh te biznesi ka pasur edhe ndryshimi i sistemit të taksimit.

"Jemi të vetëdijshëm që ka edhe gjëra që nuk shkojnë. Në fillim e rrëzuam taksën e sheshtë. Nëse do ta kishim mbajtur, nuk do kishim sot 93% të atyre që janë rrogëtarë në shtet apo privat që paguajnë më pak se 10% dhe godiste pikërisht më të vegjlit. Prandaj e kthyem në progresive”,-tha Rama./CNA

 

 





Lajmet e fundit nga