E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Unë gjuhën e kam shpatë, s’e kam pelte”/ Rama, për retorikën e përdorur: S’i kam thënë njeriu hajdut, vrasës

24 Prill 2025, 09:10, Politikë CNA

“Unë gjuhën e kam shpatë, s’e kam pelte”/ Rama,

Kryeministri Edi Rama, në rubrikën “Sy m’sy”, ka folur për komentet e bëra ndaj fushatës së PS-së, për të cilën u tha se bëjnë fushatë me tallava.

Rama tha se flasin për tallava, por nuk e dinë çfarë është tallavaja dhe përbuzin kulturën shqiptare.

Më tej Rama u shpreh se ata që flasin për ironitë dhe metaforat e përdorura nga ai në fushatë, nuk e kanë idenë se çfarë rëndësie ka ky moment për anëtarësimin në BE.

Sa i përket retorikës së përdorur në fushatë, Rama tha se ai nuk i ka thënë askujt hajdut apo vrasës.

“Këta nuk dinë çfarë është tallavaja. Janë janë përbuzës të kulturës shqiptare, të atij fondi thesaresh që ka krijuar kultura jonë. Kush na ndalon ne të përdorim tallava dhe valle? Kush e ka shkruar këtë? Që kur unë merrem me fushata elektorale merreni analizojini si kanë ndryshuar.

Kush i solli njerëzit të ulur në takime, jo vetëm rrinë në këmbë. Ju që merreni me analiza, pse merreni ju me 1/100? Nuk ka asnjë informacion se çfarë është ky moment historik, por ulen atje dhe zdërhallen duke u marrë jo kjo video këtu jo kjo video atje.

Po ç’është kjo akuzë, që medemek u paskam thënë fëmijëve më shikoni mua lakuriq? Këta nuk pyetën për fëmijët kur më nxorën mua lakuriq, a thua se kisha bërë ndonjë krim kur isha në lirinë time nëpër Europë.

Për të treguar që janë të indinjuar, shkojnë në Korçën e kulturës dhe aty e merr fjalën lideri i vërtetë, Ilir Vrenozi. Nuk bëj shaka fare. Për të treguar se sa gabim kam bërë unë shfrenojnë gjuhën në njëfarë feje që nuk merret njeri.

Këto janë historitë banale të këtyre ditëve. Unë gjuhën e kam shpatë s'e kam pelte. Është gjuha që kam mësuar nga Noli, Konica, shpatarët e mëdhenjt të gjuhës shqipe. Kam 20 vite në këtë arenë e s'i kam thënë njeriu hajdut, kriminel, vrasës. Metafora e sarkazëm patjetër. Kur nuk e njeh historinë, kur nuk e di ç’është debati real flet kështu”, tha Rama./ CNA