web counter
LEXO PA REKLAMA!

SHKARKO APP

App Store
Google Play

E fundit!

x

“Rama e ndau keq buxhetin”/ Berisha në Borsh: Do të krijojmë hapësirë të re për biznesin

24 Prill 2025, 13:56, Politikë CNA

“Rama e ndau keq buxhetin”/ Berisha në Borsh: Do të

Kreu i Partisë Demokratike, Sali Berisha, zhvilloi një vizitë në fshatin Borsh, ku u takua me banorët e kësaj zone. Në fjalën e tij, Berisha theksoi ndryshimet që synohet të ndodhin në këtë zonë me programin e PD-së për banorët dhe turizmin.

Berisha tha se programi i PD-së do të krijojë një hapësirë të re për biznesin.

Kryedemokrati akuzoi kryeministrin Edi Rama se e ndau keq buxhetin për fermerët dhe sipas tij, kjo situatë duhet të marrë fund.

Berisha tha se është kusht themelor për të qenë në Europë që banorët të kenë 24 orë vaditjen, të kenë kullimin, të kenë mbrojtjen e tokës, të kenë suksesin e biznesit.

“Tani, po ta shohësh Borshin ti, Qeparoin, Himarën, këto janë madhështore. Po të dalësh mbi Pilur, duket sikur ke hipur mbi re dhe po sheh detin. Këto janë madhështi.

Problemi është që të ngremë banorët në nivelin e kësaj madhështie. Dhe këtë do bëjë programi ynë.

Bizneseve të Borshit do t’u përgjysmohen taksat. Biznesi i vogël, tavanet e TVSH-së dhe tatim-fitimit nga 100 dhe 140 mijë euro do të shkojnë në 180 mijë euro.

Bashkitë nuk do të mund të vendosin tarifa dhe taksa më shumë se 1 për qind të xhiros.

Energjia do të ulet në 6 lekë. Do përgjysmohet tarifa e ujit. Pra, do krijojmë një hapësirë të re për biznesin.

Fermerëve do t'u subvencionojmë çdo njësi prodhimi, çdo fidan të mbjellë dhe çdo kokë bagëti.

Heqim çdo lloj kriteri tjetër, jo ka pesë lopë, jo ka dhjetë lopë, një lopë po të ketë, do subvencionohet. Tre ullinj po të ketë, do subvencionohet.

Do rrisim subvencionet në nivelet e vendeve përreth. Vendet përreth e kanë nivelin e subvencioneve 5-6 herë më të madh se në.

Edi Rama kur ndau buxhetin, la për fermerët 33 milionë euro, nga 8 miliardë, në një kohë kur duhej të linte minimumi 230 milionë. Pra, merr fund kjo situatë.

Infrastruktura e Borshit do ketë përparësi të plotë.

Unë e njoh problemin dhe u them se do zgjidhet 100 %. Unë ua thashë në Himarë, ua them edhe këtu. Unë nuk ndërtoj tunelin e Llogarasë pa i dhënë përgjigje problemit të ujërave të zeza nga Semani te Kepi i Stillës.

Pasi të ngrinim flamurin blu në ujërat tona, atëherë do vazhdonim me të tjera sepse ai kusht themelor për të qenë në Europë, nuk është tuneli.

Kusht themelor për të qenë në Europë është që të mos derdhen ujërat e zeza aty ku lahen njerëzit.

Kusht themelor për të qenë në Europë që 24 orë të kenë vaditjen, të kenë kullimin, të kenë mbrojtjen e tokës, të kenë suksesin e biznesit.

Pra, këto janë kushtet për të cilat ne qëndrojmë”,-tha Berisha./CNA





Lajmet e fundit nga