web counter
LEXO PA REKLAMA!

SHKARKO APP

App Store
Google Play

E fundit!

x

Takimi me të rinjtë në Belsh/ Rama: Fitorja më 11 maj është pjesë e një misioni

24 Prill 2025, 15:36, Politikë CNA

Takimi me të rinjtë në Belsh/ Rama: Fitorja më 11 maj

Kryeministri Edi Rama zhvilloi sot një takim në Belsh. Atje bashkëbisedoi me disa nga votuesit për herë të parë të Qarkut Elbasan. Në fjalën e tij, Rama vuri theksin te ndryshimet e 4-vjeçarit të fundit në këtë qytet.

Në nisje të fjalës së tij, Rama ndau me të rinjtë një nga udhëtimet e bëra vite më parë në Belsh, kur mungonte një qendër qyteti dhe organizimi.

“M'u kujtua mitingu i parë në Belsh dhe më dolën para kush e di sa km larg. Kishin dalë në rrugë. Unë dola nga makina dhe rruga nuk ishte e mirë. Nga ajo pikë erdhëm dhe kemi bërë një miting te rruga kryesore. Ishte një udhëtim në të kaluarën ajo që më ndodhi në 90% të rasteve”,-tha Rama.

Rama tha se ndryshimet e bëra në vitet e fundit, e kanë kthyer Belshin në një destinacion të rëndësishëm.

“Ja ku jemi sot këtu dhe Belshi është destinacion. Kjo pastërti dhe kjo atmosferë ishte komplet e kundërta. Është përtej asaj që shohim. Është shtrirë në komunitet dhe po rritet biznesi, ekonomia familjare, agroturizmi. Ajo që ne duhet të kapërcejmë dhe nuk është e lehtë, është hendeku i madh midis jush aty ku jeni dhe Shqipërisë reale në tërësi”,-tha Rama.

Kryeministri u ndal edhe te komentet për zgjedhjet e 11 majit, për të cilat tha se fitorja e tyre do të përmbushte një mision gjeneratash.  

“Në 11 maj do të realizojmë një fitore të madhe. Jo për mua, por për të përmbushur një mision, që nuk është i yni, por i gjeneratave të tëra”,-tha Rama./CNA

 

 

 





Lajmet e fundit nga