web counter
LEXO PA REKLAMA!

SHKARKO APP

App Store
Google Play

E fundit!

x

“Rama bën fushatën e batutës”/ Berisha: Më 11 maj do të votohet për një mundësi të re për shqiptarët

24 Prill 2025, 14:11, Politikë CNA

“Rama bën fushatën e batutës”/ Berisha: Më 11

Kreu i Partisë Demokratike, Sali Berisha, zhvilloi sot një takim në fshatin Borsh. Berisha, në takimin me banorët e zonës, u ndal te komentet për fushatën e socialistëve, të drejtuar nga Edi Rama.

Në fjalën e tij, Berisha tha se Rama bën fushata e batutës dhe se ka një kulturë të reduktuar, që i vjen nga realizmi socialist.

Berisha u shpreh se gjithë Shqipëria më 11 maj do të votojë për atë projekt, i cili paraqet një mundësi të re për çdo shqiptar.

Berisha tha se kjo është koha për Shqipërinë në tërësi të ngrihet në lartësinë e potencialeve të saj të një Shqipërie Madhështore.

“Fushata e tij, le ta quajmë fushata e batutës, se ai ka një kulturë të reduktuar, e tëra i vjen nga realizmi socialist dhe përdor batuta nga ata filmat e kësaj kohe.

Por çfarë fshihet pas batutave të tij? Edi Rama ngjason me atë hajdutin që vjen dhe të bën me qesh, ndërkohë që të ka futur dorën dhe të ka marrë kuletën.

Mos harroni se pas çdo batute të tij fshihet një akt vjedhjeje. Nuk është batuta ajo që krijon vendet e punës. Jo, përkundrazi, batuta përdoret për të maskuar mungesën e vendeve të punës. Nuk është batuta që punëson të rinjtë. Përkundrazi ajo përdoret për të maskuar largimin e të rinjve nga Shqipëria. Nuk është batuta që ndihmon pensionistët. Përkundrazi ajo përdoret për të fshehur gjendjen e mjerë në të cilën i ka vendosur.

Të ndahemi nga kjo e keqe. Unë e thashë edhe në Himarë se askush më shumë se banorët e Bregut nuk kanë ditur t’i qëndrojnë fuqishëm së keqes.

Dhe unë kam besim se Borshi dhe i gjithë Bregu dhe gjithë Shqipëria më 11 maj do votojnë për atë projekt, i cili paraqet një mundësi të re për çdo shqiptar.

Për çdo të ri që të ndërtojë ëndrrën në Shqipëri. Për çdo pensionist të jetojë më me dinjitet. Për çdo fermer të ketë sukses në fermën e tij. Për çdo biznes të zgjerojë biznesin e tij. Pra për Shqipërinë në tërësi të ngrihet në lartësinë e potencialeve të saj të një Shqipërie Madhështore”,-tha Berisha./CNA  





Lajmet e fundit nga