web counter
LEXO PA REKLAMA!

SHKARKO APP

App Store
Google Play

E fundit!

x

“Qeveri e Ramës, jo e shqiptarëve”/ Bushati: Emërimet surprizë i “zhveshin” ministrat nga dinjiteti

11 Shtator 2025, 21:41, Politikë CNA

“Qeveri e Ramës, jo e shqiptarëve”/ Bushati: Emërimet

Analisti Andi Bushati e cilësoi sot kabinetin e ri si qeverinë e Ramës dhe jo të shqiptarëve.

I ftuar në një emision televiziv, Bushati u ndal edhe te emërimet e papritura nga kryeministri, që i konsideroi si një zhveshje nga dinjiteti politik.

Bushati tha se disa nga minisitrat e ri në qeverinë e re, thjesht kanë marrë më shumë pushtet seç kanë pasur.

“E para, kjo nuk është as qeveri e shqiptarëve dhe as e PS, por personale, ai ka mbledhur kë ka dashur. Kush hap pak sytë dhe ka parë si bëhen qeveritë në një vend demokratik perëndimor, bëhen me diskutime brenda partive, përfaqësojnë flukse brenda partive, ekuilibra të ndryshme. Kjo është fshirë këtu.

E dyta, është një qeveri me kukulla qesharake. Njerëz që pretendohen të drejtojnë politikat e këtij vendi, as nuk janë pyetur, a e bëjnë dot këtë punë. E kanë marrë vesh në sallë. Te rasti i Manastirliut, e tregoi dhe tha se po habitet Ogerta. Mbase në një botë normale, Ogerta mund të thoshte nuk jam gati. Rama i zhvesh këta nga minimumi i dinjitetit.

Fituesja e madhe e këtij kompozimi, Belinda Balluku. Ajo jo vetëm ndejti zëvendëkryeministre, por ruajti ministrinë, madje ruajti dhe dy nga njerëzit e vet që ka imponuar, Pirro Vengun dhe Petrit Malajn. Do të thuash, me çfarë kriteri? Ishte hajdutja më e fortë e zgjedhjeve? Ishte hajdute më e madhe se Taulant Balla që kishte diasporën? Jo. Pra as kjo nuk ka kriter. Thjesht ka marrë më shumë pushtet”,-tha Bushati./CNA

 





Lajmet e fundit nga