web counter
LEXO PA REKLAMA!

SHKARKO APP

App Store
Google Play

Përjashtimi nga Kuvendi/ Noka e Këlliçi paralajmërojnë mazhorancën

15 Shkurt 2023, 15:43, Politikë CNA
Përjashtimi nga Kuvendi/ Noka e Këlliçi
Deputetët e Partisë Demokratike, Flamur Noka dhe Belind Këlliçi

Deputetët e Partisë Demokratike, Flamur Noka dhe Belind Këlliçi, kanë kundërshtuar përjashtimin e tyre nga Kuvendi.

Noka tha se ky është një skenar për t’i mbyllur gojën opozitës, por deklaroi se do të jenë të pranishëm në seancën e nesërme plenare.

“Vazhdon skenari për t’i mbyllur gojën opozitës. Mendojnë se duke përjashtuar pa asnjë shkak deputetët e opozitës dhe duke bërë qefin Ramë-Gonigalit. Kjo është vrasje e opozitës, të jenë të sigurtë as Nikolla as Rama nuk do mundin t’i mbyllin gojën opozitës. Pa fjalën e lirë një parlament nuk mund të ekzistojë, ndryshe quhet monist. Ne kemi detyrë të përfaqësojmë 750 mijë votuesit dhe të çojmë zërin e tyre në parlament.

Sa herë që nuk do na lejojnë të bëjmë këtë, ne do gjejmë metoda për ta çuar fjalën tonë. Asnjë nen i rregullores nuk është shkelur. Shikojeni videon me bilbila, opozita e atëhershme protestonte për të drejtat e veta dhe as nuk i ndërpreu njeri.  Kur ishin në opozitë vetë hynin me megafona, flisnin, merrnin edhe mikrofonin e Topallit dhe nuk i ka ndaluar askush. Kjo është demokracia”, u shpreh Noka.

Nga ana tjetër, Këlliçi tha se opozita nuk do të ndalet, por do të protestojë sërish nesër para Parlamentit.

 “Pretendohet që unë kam futur këtë pajisje që është një pajisje për të mbajtur telefonin. Çdo i ri e ka parë këtë pajisje. E kam gjetur në sallë të Parlamentit. Nuk e kam futur fshehurazi këtë pajisje. Ftoj të më nxjerrin videon se ku unë e kam futur fshehurazi dhe se çfarë dëmi përbën një pajisje që mban telefonin. Akuzohem se kam shkelur kodin e etikës ndërkohë që nuk kam folur në seancë. E gjithë kjo bëhet që Rama të vijë nesër në parlament dhe të mos ketë opozitën aty për të folur mbi rastin McGonigal. Nesër në orën 10:00 do ketë sërish protestë para parlamentit. Ne aty me siguri do jemi përjashtuar, e dimë se vendimi është marrë por të paktën nuk akuzohem për asnjë vepër penale", -tha Këlliçi./ CNA.al





Lajmet e fundit nga