web counter
LEXO PA REKLAMA!

SHKARKO APP

App Store
Google Play

Paralajmërimi i kreut të FRPD/ "Kush do të na përjashtojë nga zgjedhjet, do përballet me ne"

14 Shkurt 2023, 18:05, Politikë CNA

Paralajmërimi i kreut të FRPD/ "Kush do të na

Kreu i FRPD, Besart Xhaferri është shprehur se Partia Demokratike nuk do t’i bojkotojë asnjëherë zgjedhjet e 14 majit.

Nëpërmjet një statusi në rrjete sociale, Xhaferri shkruan se Partia Demokratike ka vendimin e gjykatës ndaj askush nuk mund t’i përjashtojë nga zgjedhjet.

Sipas tij kushdo që po mundohet t’i përjashtojë, ai ka paralajmëruar se do të përballet me Partinë Demokratike.

“Nuk i bojkotojmë zgjedhjet, ne kemi vendimin e gjykatës, ata që duan të na përjashtojnë ne, do përballen me ne.

Revolucioni ka një dimension tjetër, po kaq të rëndësishëm, po kaq jetik: dimensionin elektoral.

Sepse bëhet çdo gjë që të grabiten zgjedhjet, të plaçkiten zgjedhjet.

Ne duhet të qëndrojmë ndaj çdo akti, ndaj çdo veprimi, ndaj çdo përpjekje të shkelmimit të ligjit të zgjedhjeve.

Ne nuk i bojkotojmë zgjedhjet.

Përpjekja për të përjashtuar PD-në nga zgjedhjet është etapa e tretë e skenarit të të njëjtëve autorë. Por absolutisht do marrin përgjigjen e merituar.

Sepse çdo vendim, përveç vendimit që është marrë, është i paligjshëm. Nuk ka asgjë më të paligjshme se shpallja palë e atij që nuk është palë.

Ne kemi vendimin e gjykatës, ata që duan të na përjashtojnë ne, do përballen me ne. Kjo është e gjitha!", shkruan ai./ CNA.al





Lajmet e fundit nga