LEXO PA REKLAMA!

SHKARKO APP

“Tirana ka nevojë për ty”/ Qytetarët befasojnë Belind Këlliçin

15 Shkurt 2023, 10:50, Politikë CNA

“Tirana ka nevojë për ty”/ Qytetarët befasojnë

Kandidati i PD-së për Bashkinë e Tiranës, Belind Këlliçi, vijon takimet me qytetarët në kryeqytet, duke dëgjuar shqetësimet e tyre.

“Tirana ka nevojë për ty”. Me këto fjalë e kanë pritur në “Rrugën e Dibrës” kandidatin e Partisë Demokratike për Tiranën, Belind Këlliçin, i cili ka shtrënguar duart me banorët e zonës mbrëmjen e kaluar.

Në takimet e drejtpërdrejta me ta, Këlliçi dëgjoi nga afër shqetësimet për punën e pushtetit vendor, problematikën e zonës apo pritshmëritë e qytetarëve, me qëllim që këto të jenë pjesë e programit që do të prezantojë Partia Demokratike gjatë fushatës në Tiranë.

Në bashkëbisedim me ta, kandidati Këlliçi tha se fitorja është e sigurt me ndihmën e njerëzve të thjeshtë që do të ndryshojnë drejtimin e bashkisë më 14 maj.

Takimet e Këlliçit janë pjesë e turit “Jam këtu t’ju dëgjoj”, që ka si qëllim komunikimin e drejtpërdrejtë me secilin banor të Tiranës, për të kuptuar më mirë se si pushteti vendor mund të përmirësohet./CNA.al

Lajmet e fundit nga