web counter
LEXO PA REKLAMA!

SHKARKO APP

App Store
Google Play

Baçi "i drejton gishtin" përçarësve/ "Po mbani Ramën në pushtet"

14 Shkurt 2023, 21:58, Politikë CNA

Baçi "i drejton gishtin" përçarësve/ "Po

Deputeti i Partisë Demokratike, Luan Baçi ka deklaruar se kryeministri Edi Rama mund të rrëzohej lehtësisht nëse Partia Demokratike nuk do të kishte problemin e mosnjohjes.

Në një intervistë për gazetarin Adi Krasta, Baçi ka fajësuar përçarësin e PD-së, Enkelejd Alibeajn se ka bërë një ankimim të paligjshëm në Gjykatën e Apelit lidhur me çështjen e vulës.

Sipas tij nëse Alibeaj nuk do të kishte kryer këtë akt përçarës atëherë Rama do të rrëzohej dhe vendi do të futej në zgjedhje të parakohshme.

“Brenda pak muajsh, jam shumë i sigurt, Rama rrëzohet, nëse PD nuk do të ketë problemin e mosnjohjes që i bën Parlamenti PD-së që është e vërtetë, strukturave të vërteta të PD. Shohim një sulm të madh që po bëhet. Alibeaj kishte çuar menjëherë në KQZ, se do të marrë fondet e partisë, të regjistrojë komisionerët, që nuk ka as komisionerë, por i gjen duke qëmtuar në çdo bashki të vendit njerëz nga më të ndryshëm, duke iu premtuar shumë gjëra, për të qenë si komisionerë. Nëse PD nuk do të kishte problemin e bllokimit që i është bërë nga Gjykata e Apelit me një ankimim të paligjshëm të bërë nga Alibeaj, ne sot do të ishim vërtetë rrezik serioz, Rama me muaj do të binte dhe vendi do të futej në zgjedhje të parakohshme", tha ai./ CNA.al





Lajmet e fundit nga