web counter
LEXO PA REKLAMA!

SHKARKO APP

App Store
Google Play

“Nesër është një ditë prove”/ Plani i Berishës për të zënë mat Ramën

15 Shkurt 2023, 13:29, Politikë CNA

“Nesër është një ditë prove”/ Plani i

Nesër opozita do të protestojë para Kuvendit. Kreu i PD-së, Sali Berisha, në mbledhjen me grupin parlamentar ka thënë se nuk do të tërhiqen.

Sipas tij, Parlamenti është kthyer absolutisht në kohën e diktaturës staliniste.

“Vetëm në diktaturë një deputet bëhej përgjegjës për ato që fliste në parlament dhe jashtë tij.

Kjo po ndodh sot në këtë parlament. Ne nuk kemi bërë gjë tjetër, vetëm kemi mbrojtur interesat e zgjedhësve tanë.

Parlamenti është bërë i padurueshëm për qytetarët.

Qytetarët kanë një neveri të jashtëzakonshme. Prapë ne do qëndrojmë në parlament me vendosmërinë më të madhe.

Ortaku, korruptori i McGonigal, nuk mund të ketë vend më si kryeministër i Shqipërisë.

Ai duhet të ikë!”, është shprehur Berisha.

Ai sërish është kthyer sot te rasti McGonigal.

Sipas tij, veprimtaria e grupit kriminal McGonigal në Shqipëri ka qenë një veprimtari intensive, shumëplanëshe.

Ndaj, ngritja e komisionit hetimor parlamentar nga opozita është jetik.

Sipas kreut të PD-së, nesër është një ditë prove, një provë e fortë.

“Protesta është thirrur në orën 10, sepse në orën 10, RamGonigali hyn në parlament.

A ka përdhosje më të madhe për atë parlament se hyrja e kryeministrit si RamGonigali?

Prandaj qytetarë, siç zhvilluam të hënën që kaloi një betejë të shkëlqyer brenda dhe jashtë parlamentit, i bëj thirrje cilitdo, që ka minimumin e mundësive, të lërë çdo gjë dhe të vijë nesër në orën 10 në protestë.

RamGonigali nuk duhet të hyjë në parlament. Edhe po hyri, duhet të mbetet nën presionin e tmerrshëm të revolucionit aty ku është, brenda parlamentit”, ka thënë Berisha./CNA.al





Lajmet e fundit nga